ന്യൂദല്ഹി: കൊട്ടിയൂര് പീഡന കേസില് ശിക്ഷിക്കപ്പെട്ട മുന് വൈദികന് റോബിന് വടക്കുംചേരി സമര്പ്പിച്ച ഹരജി തള്ളി സുപ്രീം കോടതി. ഇരയായ പെണ്കുട്ടിയെ വിവാഹം കഴിക്കുന്നതിനായി ജാമ്യം അനുവദിക്കണമെന്ന് ആവശ്യപ്പെട്ട് സമര്പ്പിച്ച ഹർജിയാണ് സുപ്രീം കോടതി തള്ളിയത്.
പ്രതിയെ വിവാഹം കഴിക്കാന് അനുവദിക്കണമെന്നാവശ്യപ്പെട്ട് പെണ്കുട്ടി നൽകിയ ഹരജിയും അംഗീകരിക്കാന് കഴിയില്ല എന്ന നിലപാട് കേരള സര്ക്കാര് സുപ്രീം കോടതിയെ അറിയിച്ചിരുന്നു. 2016 ൽ പ്രായപൂർത്തിയാവാത്ത പെൺകുട്ടിയെ പള്ളിമേടയിൽ വെച്ച് പീഡിപ്പിച്ച് ഗർഭിണിയാക്കിയ കേസിലാണ് സെന്റ് സെബാസ്റ്റ്യന്സ് പള്ളി വികാരി ആയിരുന്ന റോബിന് വടക്കുംചേരി ശിക്ഷ അനുഭവിക്കുന്നത്.
