ഫ്ളോറിഡ: മുന് മിസ് അമേരിക്ക ലിന്സ കോര്ണെറ്റ് (40) ഫ്ളോറിഡയിലെ ജാക്സണ്വില്ലില് അന്തരിച്ചു. ഒക്ടോബര് 28-നാണ് അന്ത്യം സംഭവിച്ചതെന്ന് കുടുംബാംഗങ്ങള് അറിയിച്ചു. ഒക്ടോബര് 12-ന് വീട്ടില്വച്ച് വീണതിനെ തുടര്ന്ന് തലയ്ക്ക് ഗുരുതരമായി പരിക്കേറ്റ ഇവര് ആശുപത്രിയില് ശസ്ത്രക്രിയയ്ക്ക് വിധേയയായി കഴിയുകയായിരുന്നു.
മിസ് അമേരിക്ക ഓര്ഗനൈസേഷന് മരണം സ്ഥിരീകരിച്ചു. 1993-ലാണ് മിസ് അമേരിക്ക കിരീടം നേടിയത്. തൊണ്ണൂറുകളില് ടെലിവിഷന് താരമായിരുന്ന ലിന്സ നിരവധി ടിവി ഷോകളില് പ്രത്യക്ഷപ്പെട്ടിരുന്നു. 1992-ല് ഫ്ളോറിഡ സുന്ദരിയായി തെരഞ്ഞെടുക്കപ്പെട്ടിരുന്നു. മിസ് അമേരിക്കയായി തെരഞ്ഞെടുക്കപ്പെട്ടതിനുശേഷം ഒരു വര്ഷം എയ്ഡ്സിനെക്കുറിച്ച് ബോധവത്കരണം നടത്തുന്നതില് സജീവമായിരുന്നു.
മുന് ഭര്ത്താവും ഹോം ആന്ഡ് ഫാമിലി ഹോസ്റ്ററുമായ മാര്ക്ക് സ്റ്റെയിന്സ് കോര്ണറ്റിന്റെ വിയോഗത്തില് അതീവ ദുഖം രേഖപ്പെടുത്തി. 1971 ജൂണ് പത്തിന് വിര്ജീനീയയിലായിരുന്നു ജനനം. നല്ലൊരു നടിയും ഗായികയുമായിരുന്നു. പൊതു സ്ഥലങ്ങളില് പ്രത്യക്ഷപ്പെടുമ്പോള് മിസ് അമേരിക്ക കിരീടം ഉപയോഗിക്കാതിരുന്ന ആദ്യ വ്യക്തിയായിരുന്നു ലിന്സ കോര്ണെറ്റ്.