കണ്ണൂര്: കണ്ണൂര് ജില്ലയിലെ ഉരുവച്ചാലിലാണ് സംഭവം നടന്നത്. അപ്രതീക്ഷിതമായി ഓടിക്കൊണ്ടിരിക്കുന്ന സ്കൂളിന്റെ മുന്നില് നിന്നും ഒരു കരിമൂര്ഖന് ഫണമെടുത്ത് തലപ്പൊക്കിയതോടെ നാടകീയമായി യാത്രികര് രക്ഷപ്പെട്ടു. ബേക്കറി ജീവനക്കാരായ നിഹാലും ഷഹീറുമാണ് തലനാരിഴയ്ക്ക് രക്ഷപ്പെട്ടത്.
ബേക്കറി ജോലികഴിഞ്ഞ് യാത്ര ചെയ്ത് വീട്ടിലേക്ക് തിരിച്ചു പോവുന്ന വഴിയാണ് അപ്രതീക്ഷിതമായി ഇതു സംഭവിച്ചത്. ഒട്ടും പ്രതീക്ഷിക്കാതെ സംസാരിച്ച് പതുക്കെ വാഹനം ഓടിച്ചു പോവുകയായിരുന്നു നിഹാലും ഷഹീറും. പൊടുന്നനെ ലൈറ്റിന്റെ ഉള്ളില് നിന്നും കരിമൂര്ഖന് ഫണമെടുത്ത് തലപൊക്കി. ഓടിച്ചുകൊണ്ടിരുന്ന വാഹനത്തില് നിന്നും പാമ്പ തലപൊക്കിയപ്പോള് യുവാക്കള് പരിഭ്രാന്തരായി.
ഉടനെ വാഹനം അവര് ഉപേക്ഷിച്ച് ചാടി ഓടിമാറി. ഉരുവച്ചാലില് നിന്നും മട്ടന്നൂരിലേക്ക് പോവുകയായിരുന്നു ഇരുവരും. വാഹനം മറിഞ്ഞു വീണ് ഇവര് നിലവിളിക്കുന്നത് കണ്ട് ഓടിക്കൂടിയ നാട്ടുകാര്ക്ക് അത്ഭുതമായ കാഴ്ചയാണ് കണ്ടത്. ഉടനെ തന്നെ വാഹനത്തിന്റെ മുന്ഭാഗം തകര്ത്താണ് പാമ്പിനെ പുറത്തെടുത്തത്. ഇതിനിടെ വനംവകുപ്പ് വിഭാഗവും സ്ഥലത്ത് എത്തി. പാമ്പിനെ വനത്തിലേക്ക് തന്നെ വിടുമെന്ന് അവര് അറിയിച്ചു.