തെന്നിന്ത്യയുടെ പ്രിയ നായിക കാജൽ അഗർവാളും ഗൗതം കിച്ച്ലുവും ഇന്ന് വിവാഹിതരായി. തെലുങ്ക്, തമിഴ്, ഹിന്ദി ഭാഷകളിലെ സിനിമകൾക്ക് പേരുകേട്ട താരം ഈ മാസം ആദ്യം വിവാഹത്തെക്കുറിച്ച് അറിയിച്ചിരുന്നു. കൊറോണ വൈറസ് പാൻഡെമിക് കാരണം വിവാഹ ചടങ്ങിൽ കുടുംബാംഗങ്ങളും അടുത്ത സുഹൃത്തുക്കളും മാത്രമേ പങ്കെടുത്തുള്ളു. ബിസിനസുകാരനും ഇന്‍റീരിയര്‍ ഡിസൈനറുമാണ് ഗൗതം കിച്ച്ലു.
വിവാഹത്തിന് മുമ്പുള്ള ഹൽദി, മെഹന്ദി ചടങ്ങുകളുടെ ചിത്രങ്ങൾ സമൂഹ മാധ്യമങ്ങളിൽ കാജൽ പങ്കിടുന്നുണ്ടായിരുന്നു. കാജൽ വിവാഹത്തിന് ചുവന്ന ലഹങ്ക ആയിരുന്നു അണിഞ്ഞിരുന്നത്. . ഐവറി നിറമുള്ള ഷെർവാണിയായിരുന്നു ഗൗതമിന്റെ വേഷം.
2004ല്‍ റിലീസ് ചെയ്ത ക്യൂം! ഹോ ഗയാ നാ എന്ന ബോളിവുഡ് ചലച്ചിത്രത്തിലൂടെയാണ് കാജൽ അഭിനയരംഗത്തേക്ക് ചുവടു വെക്കുന്നത്. ഇന്റീരിയർ ഡിസൈനിനും ഗാർഹിക അലങ്കാര പരിഹാരങ്ങൾക്കുമുള്ള ഇ-കൊമേഴ്‌സ് പ്ലാറ്റ്‌ഫോമായ ഡിസ്‌കേർൺ ലിവിംഗിന്റെ സ്ഥാപകനാണ് ഗൗതം കിച്ച്ലു.
