കൊച്ചി: ജനുവരി 5 മുതൽ തിയറ്ററുകള് തുറക്കാന് സര്ക്കാര് അനുമതി നല്കിയെങ്കിലും സിനിമ നല്കില്ലെന്ന് ഡിസ്ട്രിബ്യൂട്ടേഴ്സ് അസോസിയേഷന്. തിയേറ്ററുകളില് നിന്നും ലഭിക്കാനുള്ള പണം തന്നാല് മാത്രമേ പുതിയ സിനിമകള് വിതരണം ചെയ്യുകയുള്ളൂവെന്ന് ഡിസ്ട്രിബ്യൂട്ടേഴ്സ് അസോസിയേഷന് പ്രസിഡന്റ് സിയാദ് കോക്കർ വ്യക്തമാക്കി.
സര്ക്കാരിന് മുന്പില് വച്ച് നിര്മ്മാതാക്കള് ഉപാധികള് പരിഹരിച്ചാല് മാത്രമേ സഹകരിക്കുകയുള്ളൂവെന്നും സിയാദ് കോക്കര് പറഞ്ഞു. കോവിഡ് മാനധണ്ഡങ്ങൾ കർശനമായി പാലിച് സീറ്റിങ് കപ്പാസിറ്റിയുടെ പകുതിയില് മാത്രമാണ് പ്രവര്ത്തിക്കണമെന്നാണ് നിർദ്ദേശത്തോടുകൂടി ജനുവരി അഞ്ചുമുതല് സിനിമാ തിയറ്ററുകള് തുറന്നുപ്രവര്ത്തിക്കാൻ സർക്കാർ അനുമതി നൽകിയിരുന്നു.