ബെയ്ജിങ്: ചൈനീസ് യാത്രാ വിമാനം തെക്കുപടിഞ്ഞാറന് പ്രദേശമായ ഗുവാങ്സിയില് തകര്ന്നു വീണു. ചൈന ഈസ്റ്റേണ് എയര്ലെന്സിന്റെ ബോയിങ് 737 വിമാനമാണ് തകര്ന്നുവീണത്. വിമാനത്തില് 133 യാത്രക്കാരുണ്ടായിരുന്നു. കുന്മിങില് നിന്ന് ഗുവാങ്സുവിലേക്ക് പോയ വിമാനത്തിലെ എത്രപേര് രക്ഷപ്പെട്ടിട്ടുണ്ടാകാം എന്ന് വ്യക്തമല്ല.
വിമാനം തകര്ന്നുവീണത് ഗുവാങ്സിയിലെ പര്വതത്തില് തീപിടിത്തത്തിന് കാരണമായിട്ടുണ്ടെന്നാണ് റിപ്പോര്ട്ട്. വിമാനം തകരാനിടയായ കാരണം വ്യക്തമല്ല. രക്ഷാപ്രവര്ത്തകര് സംഭവ സ്ഥലത്തേക്കെത്തിയിട്ടുണ്ടെന്ന് ചൈനീസ് മാധ്യമങ്ങള് റിപ്പോര്ട്ട് ചെയ്തു.
കുന്മിങ് ചാങ്ഷൂയ് വിമാനത്താവളത്തില് നിന്ന് ചൈനീസ് സമയം ഉച്ചയ്ക്ക് 1.15 ഓടെ പുറപ്പെട്ടതാണ് വിമാനം. ഗുവാങ്സുവില് 3.07ന് എത്തേണ്ടതായിരുന്നു.
