പത്തനംതിട്ട: കോട്ടമൺപാറയിൽ വനത്തിനുള്ളിൽ വീണ്ടും ഉരുൾപൊട്ടൽ. ഇതിനെത്തുടർന്ന് കോട്ടമൺപാറ പാലത്തിന്റെ അപ്രോച്ച് റോഡ് പൂർണമായും ഒഴുകിപ്പോയി. കഴിഞ്ഞ മാസം രണ്ടു തവണ ഇവിടെ ഉരുൾപൊട്ടിയിരുന്നു. രണ്ടാഴ്ചയ്ക്കിടെ ഇതു മൂന്നാം തവണയാണ് ഈ മേഖലയിൽ ഉരുൾപൊട്ടുന്നത്.
പത്തനംതിട്ട കൊക്കാത്തോട് ഭാഗത്തും ഇന്ന് ഉരുൾപൊട്ടി. നാല് വീടുകളിൽ വെള്ളം കയറി. ഇവിടെ താമസിച്ചിരുന്നവരെ സുരക്ഷിതമായി മാറ്റിപ്പാർപ്പിച്ചു. കൃഷിനാശവും സംഭവിച്ചു. കോന്നിയിൽ കൊക്കാത്തോട് ഭാഗത്ത് അച്ചൻകോവിൽ ആറ്റിൽ ജലനിരപ്പ് ഉയർന്ന്, രാത്രിയിൽ അഞ്ച് വീടുകളിൽ വെള്ളം കയറി. ആളുകളെ അയൽ വീടുകളിലേക്ക് മാറ്റി. ഐരവൺ ഭാഗത്ത് റോഡ് ഗതാഗതം തടസ്സപ്പെട്ടു.