ന്യൂദല്ഹി: കാര്ഷിക നിയമങ്ങള് പിന്വലിക്കണമെന്നാവശ്യപ്പെട്ട് കര്ഷക സമരം ശക്തമാക്കുന്നതിന്റെ ഭാഗമായി റോഡ് തടയല് സമരം ഇന്ന് നടക്കും. റോഡ് തടയല് സമരത്തിൽ നിന്ന് ഡല്ഹി നഗരപരിധിയെ ഒഴിവാക്കിയതായി ഭാരതീയ കിസാന് മോര്ച്ച നേതാവ് രാകേഷ് ടികായത് അറിയിച്ചു. അതിര്ത്തിയില് സമരം നടക്കുന്നതിനാലാണത്. 12 മണിമുതല് മൂന്ന് മണിവരെയാണ് റോഡ് തടയല് സമരം നടക്കുക.
റോഡ് തടയല് സമരം നടക്കുന്ന സമയത്ത് സംഘര്ഷം ഉണ്ടാവാതിരിക്കാൻ പ്രദേശത്ത് അതീവ സുരക്ഷ ഏര്പ്പെടുത്തുമെന്നാണ് ദല്ഹി പൊലീസ് അറിയിച്ചു. സ്കൂള് ബസുകള്, ആംബുലന്സുകള്, തുടങ്ങിയ അത്യാവശ്യങ്ങൾക്കായി പോകുന്ന വാഹനങ്ങള് കടത്തിവിടുമെന്നാണ് സംയുക്തകിസാന് മോര്ച്ച അറിയിച്ചത്. മറ്റ് സംസ്ഥാനങ്ങളോട് ആവശ്യമായ സുരക്ഷാനടപടികള് ഒരുക്കണമെന്ന് ആഭ്യന്തരമന്ത്രാലയം ആവശ്യപ്പെട്ടിട്ടുണ്ട്. സമരം അവസാനിപ്പിക്കുന്നത് മൂന്ന് മണിക്ക് ഒരു മിനിറ്റ് വാഹനങ്ങളുടെ സൈറണ് മുഴക്കി ആയിരിക്കും.