അഹമ്മദാബാദ്: ഡ്രാഗൺ ഫ്രൂട്ടിന്റെ പേര് മാറ്റി ‘കമലം’ എന്നാക്കി ഗുജറാത്ത് സർക്കാർ. ഡ്രാഗൺ ഫ്രൂട്ട് എന്ന പേര് അനുയോജ്യമായി തോന്നുന്നില്ലെന്നും അതുകൊണ്ടാണ് പേരുമാറ്റാൻ തീരുമാനിച്ചതെന്നും മുഖ്യമന്ത്രി വിജയ് രൂപാണിയാണ് അറിയിച്ചു. അതേസമയം പേര് മാറ്റത്തിന് പിന്നിൽ രാഷ്ട്രീയമൊന്നും ഇല്ലെന്നും സർക്കാർവൃത്തങ്ങൾ വ്യക്തമാക്കി.
“ഡ്രാഗൺ ഫ്രൂട്ട് എന്ന പേര് അത് അനുയോജ്യമായി തോന്നുന്നില്ല. കമലം എന്നത് സംസ്കൃത വാക്കാണ്. ഡ്രാഗൺ ഫ്രൂട്ടിൻ്റെ രൂപം താമരയെപ്പോലെയുമാണ്. മാത്രമല്ല, ഡ്രാഗൺ ഫ്രൂട്ട് ചൈനയുമായി ബന്ധപ്പെട്ടതാണ്. അതുകൊണ്ടാണ് കമലം എന്നു വിളിക്കാൻ തീരുമാനിച്ചത്. ഇതിൽ രാഷ്ട്രീയ കാരണങ്ങൾ ഇല്ല.”- രൂപാണി അറിയിച്ചു. ‘ഡ്രാഗൺ ഫ്രൂട്ടിന്റെ പേര് ‘കമലം’ എന്ന് മാറ്റുന്നതിനായി പേറ്റന്റിന് അപേക്ഷ നൽകിയിട്ടുണ്ടെന്നും അദ്ദേഹം വ്യക്തമാക്കി.