gnn24x7

വിദേശത്തുള്ള ഇന്ത്യക്കാര്‍ക്ക് ആധാര്‍ കാര്‍ഡിന് അപേക്ഷിക്കാം; അറിയേണ്ടതെല്ലാം

0
187
gnn24x7

ഇന്ത്യയിലെ താമസക്കാര്‍ക്ക് യുണീക്ക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ (UIDAI) നല്‍കുന്ന 12 അക്ക തിരിച്ചറിയല്‍ നമ്പറാണ് ആധാര്‍ (Aadhar Card). സര്‍ക്കാര്‍ സംബന്ധിയായ എല്ലാ കാര്യങ്ങള്‍ക്കും ഇന്ന് ആധാര്‍ കാര്‍ഡ് അനിവാര്യമാണ്. ബാങ്കിംഗ് പ്രവര്‍ത്തനങ്ങള്‍ മുതല്‍ ഡിജിറ്റല്‍ ഇടപാടുകള്‍ വരെ എല്ലാത്തിനും ആധാര്‍ കാര്‍ഡ് വേണം. ആധാര്‍ നമ്പറില്‍ വ്യക്തിയുടെ ബയോമെട്രിക്‌സ്, ഫോട്ടോ, വിലാസം, മറ്റ് വിശദാംശങ്ങള്‍ എന്നിവ അടങ്ങിയിരിക്കുന്നു.പിഴ ഒഴിവാക്കുന്നതിന്, നമ്മുടെ ബാങ്ക് അക്കൗണ്ടുമായും മറ്റ് സേവനങ്ങളുമായും ആധാര്‍ ബന്ധിപ്പിക്കുന്നത് സര്‍ക്കാര്‍ നിര്‍ബന്ധമാക്കിയിട്ടുണ്ട്. ഈ രേഖ വിലാസത്തിന്റെ തെളിവായി പ്രവര്‍ത്തിക്കുക മാത്രമല്ല, സര്‍ക്കാര്‍ പദ്ധതികള്‍ പ്രയോജനപ്പെടുത്താനും ആവശ്യമാണ്.

ഇന്ത്യയില്‍ ആധാര്‍ കാര്‍ഡ് ഇല്ലാതെ സാമ്പത്തിക കാര്യങ്ങള്‍ തൊട്ട് സര്‍ക്കാര്‍ കാര്യങ്ങള്‍ വരെ നടത്താനാകില്ല. അപ്പോള്‍, വിദേശ ഇന്ത്യക്കാര്‍ നാട്ടില്‍ വരുമ്പോള്‍ എന്തുചെയ്യും. അവര്‍ക്കും പണമിടപാടുകള്‍ക്കും മറ്റ് കാര്യങ്ങള്‍ക്കും ആധാര്‍ കാര്‍ഡ് നല്‍കേണ്ടി വരും. എന്നാല്‍ വിദേശ ഇന്ത്യക്കാര്‍ക്ക് ആധാര്‍ ലഭിക്കുമോ എന്ന സംശയം പലര്‍ക്കുമുണ്ട്. ഇന്ത്യന്‍ പാസ്പോര്‍ട്ടുള്ള ഒരു വിദേശ ഇന്ത്യക്കാരന് ആധാര്‍ കാര്‍ഡിന് അപേക്ഷിക്കാമെന്ന് യുഐഡിഎഐ വെബ്സൈറ്റില്‍ പറയുന്നുണ്ട്.

എങ്ങനെ ആധാർ എടുക്കാം?

അടുത്തുള്ള ഏതെങ്കിലും ആധാര്‍ കേന്ദ്രത്തിലേക്ക് ഇന്ത്യന്‍ പാസ്പോര്‍ട്ടുമായി പോകുക. എന്റോള്‍മെന്റ് ഫോമില്‍ ആവശ്യമായ എല്ലാ വിശദാംശങ്ങളും പൂരിപ്പിക്കുക.

എന്റോള്‍മെന്റ് ഫോമില്‍ പൂരിപ്പിക്കുന്ന വിശദാംശങ്ങള്‍ നിങ്ങളുടെ പാസ്പോര്‍ട്ടില്‍ പറഞ്ഞിരിക്കുന്നതുമായി പൊരുത്തപ്പെടുന്നുണ്ടെന്ന് ഉറപ്പാക്കുക.

നിങ്ങളെ NRI ആയി എന്റോള്‍ ചെയ്യാന്‍ ആവശ്യപ്പെടുകആധാര്‍ കാര്‍ഡിന് അപേക്ഷിക്കുമ്പോള്‍ എന്‍ആര്‍ഐ അപേക്ഷകന്‍ ഒരു ഡിക്ലറേഷനില്‍ ഒപ്പിടേണ്ടതുണ്ട്.NRI എന്ന നിലയില്‍ നിങ്ങളുടെ എല്ലാ വിശദാംശങ്ങളും പൂരിപ്പിക്കുന്നതിന് ഓപ്പറേറ്ററെ സഹായിക്കുക.

നിങ്ങളുടെ പാസ്പോര്‍ട്ട് സ്‌കാന്‍ ചെയ്ത് അപേക്ഷയില്‍ സമര്‍പ്പിക്കണം. ബയോമെട്രിക് ക്യാപ്ചര്‍ സ്‌കാന്‍ നടത്തുക.അപേക്ഷാ ഫോമിലെ പൂരിപ്പിച്ച വിശദാംശങ്ങളിലൂടെ ശ്രദ്ധാപൂര്‍വം കടന്നുപോകുക എന്നതാണ് പ്രക്രിയയുടെ ഏറ്റവും പ്രധാനപ്പെട്ട ഭാഗം.

NRI അപേക്ഷകര്‍ വിശദാംശങ്ങള്‍ നന്നായി പരിശോധിക്കേണ്ടതുണ്ട്.പൂരിപ്പിക്കല്‍ പ്രക്രിയ പൂര്‍ത്തിയാക്കിയ ശേഷം, അപേക്ഷകന്റെ 14 അക്ക എന്റോള്‍മെന്റ് ഐഡിയും തീയതിയും സമയവും കാണിക്കുന്ന അക്‌നോളജ്‌മെന്റ് സ്ലിപ്പ് സ്വീകരിക്കുക.

NRI അപേക്ഷകര്‍ ഒരു ഇന്ത്യന്‍ മൊബൈല്‍ നമ്പര്‍ സമര്‍പ്പിക്കേണ്ടത് പ്രധാനമാണ്.14 അക്ക എന്റോള്‍മെന്റ് ഐഡി നഷ്ടപ്പെട്ടവര്‍ക്ക്, വിശദാംശങ്ങള്‍ വീണ്ടെടുക്കാന്‍ അവരുടെ രജിസ്റ്റര്‍ ചെയ്ത മൊബൈല്‍ നമ്പര്‍ ഉപയോഗിക്കാം.

gnn24x7

LEAVE A REPLY

Please enter your comment!
Please enter your name here