തിരുവനന്തപുരം: സംസ്ഥാനത്തും മങ്കിപോക്സെന്ന് സംശയം. യുഎഇയിൽ നിന്നും വന്ന വ്യക്തിയാണ് നിരീക്ഷണത്തിലുള്ളത്. രോഗലക്ഷണമുള്ളയാളെ ഐസൊലേറ്റ് ചെയ്തു. രോഗം സ്ഥിരീകരിക്കുന്നതിന് സാമ്പിൾ പൂനെ വൈറോളജി ഇൻസ്റ്റിറ്റ്യൂട്ടിലേക്ക് അയച്ചു. ഇന്ന് വൈകിട്ടോടെ ഫലം ലഭിക്കും. രോഗലക്ഷണമുള്ള ആളുമായി സമ്പർക്കത്തിലുള്ള വ്യക്തികളെ നിരീക്ഷിക്കും.
ആശങ്കപ്പെടേണ്ട സാഹചര്യം നിലവിലില്ലെന്ന് ആരോഗ്യമന്ത്രി വീണാ ജോർജ് അറിയിച്ചു. വളരെ അടുത്ത ബന്ധമുള്ളവരിലെക്ക് പകരും. വീട്ടിലുള്ളവർ മാത്രമാണ് സമ്പർക്ക പട്ടികയിൽ ഉള്ളത്. പനിയാണ് ലക്ഷണമുള്ളത്. വസൂരിക്ക് സമാനമായ ലക്ഷണം ഉണ്ടെന്നും മന്ത്രി വ്യക്തമാക്കി. മെഡിസെപ് സർക്കാർ ആശുപത്രികൾ മാറി നിൽക്കില്ല , സ്കീമുകൾ പരിചയപ്പെടുത്താൻ വർക്ക്ഷോപ്പുകൾ സംഘടിപ്പിക്കും. ഇക്കാര്യം ചൂണ്ടിക്കാട്ടി ശ്രീചിത്രക്ക് കത്തെഴുതുമെന്നും മന്ത്രി അറിയിച്ചു.