ഡബ്ലിൻ: ‘ഗുരുചരണം’ എന്ന ശാലോം ടിവി യിലെ ആത്മീയ പ്രഭാഷണ പരമ്പര നയിക്കുന്ന പ്രസിദ്ധ ധ്യാന ഗുരു റവ. ഫാ. ബോബി ജോസഫ് കട്ടികാട് കപ്പൂച്ചിൻ അയർലൻഡിലെ മലയാളി സമൂഹവുമായി സംവദിക്കുന്നു. കപ്പൂച്ചിൻ സന്യാസ സഭാഗമായ ഈ ജനപ്രിയ വൈദികൻ തത്വചിന്തകൻ, എഴുത്തുകാരൻ, വാഗ്മി എന്നീ നിലകളിൽ പ്രശസ്തനാണ്. ക്രിസ്തീയ തത്വചിന്ത പ്രമേയമാക്കി നിരവധി പുസ്തകങ്ങൾ അദ്ദേഹം മലയാളത്തിൽ പ്രസിദ്ധീകരിച്ചിട്ടുണ്ട്.
ഈ ഞായറാഴ്ച (ജൂലൈ 12) വൈകിട്ട് 7:15ന് സൂം മീറ്റിങ്ങിലൂടെ ബോബി അച്ചന്റെ പ്രഭാഷണം ശ്രവിക്കാൻ സൗകര്യം ഒരുങ്ങുന്നു. ഈ ‘കോവിഡ്’ കാലഘട്ടത്തിലെ ദൈവിക പദ്ധതിയെക്കുറിച്ച് അച്ചൻ സംസാരിക്കുന്നു.
Meeting ID: 833 4291 5052
Password: A49661
സൂം മീറ്റിങ്ങിൽ പങ്കെടുത്ത് അച്ചന്റെ പ്രഭാഷണം ശ്രവിക്കുവാൻ ഏവരെയും സ്നേഹപൂർവ്വം സ്വാഗതം ചെയ്യുന്നതായി ഡബ്ലിൻ സിറോ മലബാർ സഭാ നേതൃത്വം അറിയിച്ചു.
