തിരുവനന്തപുരം: കേരളത്തില്‍ ഇന്ന് പുതുതായി 9 പേര്‍ക്ക് കൂടി രോഗം സ്ഥിരീകരിച്ചു. ഇതോടെ സംസ്ഥാനത്ത് ആകെ രോഗം ബാധിച്ചവരുടെ എണ്ണം 345 ആയി. 259 പേരാണ് നിലവില്‍ ചികിത്സയില്‍ ഉള്ളത്. നിലവില്‍ 140470 പേരാണ് സംസ്ഥാനത്ത് നിരീക്ഷണത്തില്‍ ഉള്ളത്.
കണ്ണൂര്‍ 4, ആലപ്പൂഴ 2 പത്തനംതിട്ട, ആലപ്പുഴ ഓരോ ആളുകള്‍ക്കും രോഗം സ്ഥിരികരിച്ചു.
സംസ്ഥാനത്ത് ഇന്ന് 13 പേർക്ക് രോഗം ഭേദമായെന്ന് മുഖ്യമന്ത്രി പറഞ്ഞു. തിരുവനന്തപുരം, തൃശ്ശൂർ ജില്ലകളിൽ നിന്ന് മൂന്ന് പേർക്ക് വീതം രോഗമില്ലെന്ന് സ്ഥിരീകരിച്ചു.
ഇടുക്കി, കോഴിക്കോട്, വയനാട് ജില്ലകളിൽ നിന്ന് രണ്ട് പേർ വീതവും. കണ്ണൂരിൽ നിന്ന് ഒരാൾക്കും രോഗമില്ലെന്ന് കണ്ടെത്തി.
നിസാമുദ്ദീനിൽ നിന്നെത്തിയ 212 പേരെ സംസ്ഥാനത്ത് ആകെ കണ്ടെത്തി, ഇതിൽ 15 പേർക്ക് രോഗ ബാധ സ്ഥിരീകരിച്ചതായി മുഖ്യമന്ത്രി പിണറായി വിജയൻ പറഞ്ഞു.
