തിരുവനന്തപുരം ∙ ചലച്ചിത്ര സംഗീത സംവിധായകൻ മുരളി സിത്താര(65) അന്തരിച്ചു. ഇദ്ദേഹത്തെ വീട്ടിനുള്ളിൽ ഫാനിൽ തൂങ്ങിമരിച്ച നിലയിൽ കണ്ടെത്തുകയായിരുന്നു. ആകാശവാണിയിലെ സീനിയർ മ്യൂസിക് കമ്പോസറും കൂടിയായിരുന്നു അദ്ദേഹം.
ഇന്നലെ ഉച്ചയ്ക്ക് ഒരുമണിയോടെ അദ്ദേഹം മുറിയിൽ കയറി വാതിൽ അടയ്ക്കുകയായിരുന്നു. പിന്നീട് മകൻ എത്തി വാതിൽ തുറക്കുമ്പോൾ അദ്ദേഹം തൂങ്ങിമരിച്ച നിലയിൽ കണ്ടെത്തുകയായിരുന്നു. അദ്ദേഹത്തിന്റെ ആദ്യ സിനിമ ഗാനം 1980ൽ ഇറങ്ങിയ തീക്കാറ്റ് എന്ന ചിത്രത്തിലെ “ഒരുകോടിസ്വപ്നങ്ങളാൽ’ എന്ന ഗാനമായിരുന്നു.
ഒഎൻവി, കെ.ജയകുമാർ, വയലാർ ശരത് ചന്ദ്രവർമ തുടങ്ങിയവരുടെ രചനകൾക്ക് മുരളി സിത്താര സംഗീതം നൽകിയിരുന്നു. സംസ്കാരം ഇന്ന് വീട്ടുവളപ്പിൽ നടക്കും.