റാന്നി ഫാർമേഴ്സ് മാർക്കറ്റ് ഓൺലൈൻ പോർട്ടൽ
റാന്നി: റാന്നി, കോഴഞ്ചേരി, തിരുവല്ല പ്രദേശങ്ങളിൽ താമസിയ്ക്കുന്ന കുടുംബാഗങ്ങൾക്കും, സുഹൃത്തുക്കൾക്കും ക്രിസ്തുമസ്സ് – ന്യൂ ഈയർ ഗിഫ്റ്റും ആശംസാ സന്ദേശവും നൽകുന്നതിന് ‘റാന്നി ഫാർമേഴ്സ് മാർക്കറ്റ്’ വാണിജ്യ പോർട്ടൽ (www.rannifarmersmarket.com) അവസരം ഒരുക്കുന്നു.
വിഷരഹിത കൃഷിയെ പ്രോത്സാഹിപ്പിയ്ക്കുന്നതിനും, ജൈവ കർഷകരുടെ വിഷരഹിത ഉൽപന്നങ്ങൾ ഉപഭോക്താക്കൾക്ക് നേരിട്ട് വിപണനം ചെയ്യുന്നതിനുമായി റാന്നി ഫാർമേഴ്സ് ഗ്രൂപ്പിന്റെ ആഭിമുഖ്യത്തിൽ റാന്നിക്കാരായ വിദേശ മലയാളികളുടെ സഹായത്തിൽ ആരംഭിച്ച സംരംഭമാണിത്.
ഗ്രാമീണ കർഷകർക്കും വീട്ടമ്മമാർക്കും വിദ്യാർത്ഥികൾക്കും ഈ സൗകര്യം ഉപയോഗപ്പെടുത്താം. നമ്മുടെ കൃഷിയിടത്തിൽ നിന്നും ലഭ്യമായ ഉൽപന്നങ്ങൾ മൂല്യ വർദ്ധിത ഉൽപന്നങ്ങളാക്കി ബ്രാൻഡ് ചെയ്ത് വിപണനം ചെയ്യുന്നതിന് ആവിശ്യമായ സഹായങ്ങൾ റാന്നി ഫാർമേഴ്സ് മാർക്കറ്റ് ഓൺലൈൻ പോർട്ടൽ മാനേജ്‌മെന്റ് നൽകുന്നതാണ്.
ചെറുകിട കർഷകരിൽ നിന്നും വിഷരഹിത ഉൽപന്നങ്ങൾ ശേഖരിച്ചു പൊതു സമൂഹത്തിൽ വിതരണം ചെയ്യുന്നതിന് നാടിനെ സ്‌നേഹിയ്ക്കുന്ന പ്രവാസി സമൂഹത്തിൽ നിന്നും വലിയ പ്രോത്സാഹനമാണ് ലഭിയ്ക്കുന്നത്.കേരളത്തിലെ ജൈവ കർഷകരുമായി സഹകരിച്ച് തവിട് ചേർന്ന അരി, ശുദ്ധമായ തേൻ, വെളിച്ചെണ്ണ, ഏലയ്ക്ക, ഗ്രാമ്പൂ, കരിമ്പിൻ ശർക്കര, കുരുമുളക്, വീട്ടമ്മമാർ തയ്യാറാക്കിയ കറി മസാലകൾ, തൊടിയിൽ ലഭ്യമായ ഔഷധ കൂട്ടുകളും ശുദ്ധമായ വെളിച്ചെണ്ണയും ഉപയോഗിച്ച് തയ്യാറാക്കിയ പ്രകൃതിദത്ത സുഗന്ധമുള്ള കാച്ചിയ എണ്ണ തുടങ്ങിയ ഗ്രാമീണ ഉൽപന്നങ്ങൾ മിതമായ നിരക്കിൽ ‘റാന്നി ഫാർമേഴ്സ് മാർക്കറ്റ്’ വാണിജ്യ പോർട്ടൽ വിപണിയിൽ എത്തിയ്ക്കുന്നു.
നമ്മുടെ ആഘോഷങ്ങൾക്കൊപ്പം ചെറുകിട കർഷകരെ സഹായിക്കുന്നതിന് വിദേശ മലയാളികളുടെ സഹകരണത്തിൽ ഫാം ടൂറിസം, കാർഷിക ഉല് പന്നങ്ങളുടെ സംസ്‌കരണ യൂണിറ്റ്, മാതൃകാ കൃഷി തോട്ടം, കാർഷിക വിപണി തുടങ്ങിയ വിപുലമായ പദ്ധതികൾ ഒരുക്കുമെന്ന് റാന്നി ഫാർമേഴ്സ് ഗ്രൂപ്പ് ഭാരവാഹികളായ റോയി ജോർജ്, ഡയസ് ഇടിക്കുള, ജോയ്‌സ് മാത്യു, ജീമോൻ മാത്യു, ക്ളീബോ ഇടിക്കുള, മാത്യു.വി.തോമസ്, വിനോദ് ഏബ്രഹാം എന്നിവർ അറിയിച്ചു.
റാന്നി ഫാർമേഴ്സ് മാർക്കറ്റ് ഓൺലൈൻ പോർട്ടൽ
https://rannifarmersmarket.com/
