പ്രൊഫഷണൽ പരിശീലനമോ മെഡിക്കൽ ബിരുദമോ ഇല്ലാതെ ആളുകളെ അശാസ്ത്രീയമായി ചികിത്സിച്ചു എന്നാരോപിച്ച് ‘ശാപ്പാട് രാമൻ’ എന്ന യൂട്യൂബ് ചാനൽ നടത്തുന്ന തമിഴ്‌നാട്ടിൽ നിന്നുള്ള ആർ പാര്‍ച്ചെഴിയാനെ ആരോഗ്യവകുപ്പ് ഉദ്യോഗസ്ഥർ കസ്റ്റഡിയിലെടുത്തു.
ചിന്നസലേമിനടുത്തുള്ള കൂഗായൂർ ഗ്രാമത്തിൽ 60 കാരനായ യൂട്യൂബർ ഒരു ക്ലിനിക്ക് സ്വന്തമാക്കിയതായി പറയപ്പെടുന്നു. കോവിഡ് -19 ലക്ഷണങ്ങളും മറ്റ് അസുഖങ്ങളും ഉള്ള രോഗികളെയാണ് താൻ ചികിത്സിക്കുന്നതെന്ന പരാതിയുടെ അടിസ്ഥാനത്തിലാണ് പ്രതിയെ കസ്റ്റഡിയിലെടുത്തത്. വെള്ളിയാഴ്ച ഉച്ചയോടെയാണ് ഇയാളെ അറസ്റ്റു ചെയ്തത്.
ഉപയോഗിച്ച സിറിഞ്ചുകൾ, മരുന്നുകൾ, ഗുളികകൾ, കുത്തിവയ്പ്പുകൾ എന്നിവ ക്ലിനിക്കിന്റെ പരിസരത്ത് നിന്ന് ആരോഗ്യവകുപ്പ് ഉദ്യോഗസ്ഥർ പിടിച്ചെടുത്തു. ആരോഗ്യ വകുപ്പ് ഉദ്യോഗസ്ഥരും പോര്‍ച്ചെഴിയാനെതിരെ കേസെടുക്കുകയും ക്ലിനിക്ക് അടച്ച് മുദ്രവയ്ക്കുകയും ചെയ്തു.
