ലണ്ടൻ: യുകെയിൽ വീട്ടിൽ കുഴഞ്ഞു വീണതിനെ തുടർന്ന് ചികിത്സയിലായിരുന്ന മലയാളി യുവതി മരണപ്പെട്ടു. യുകെ ലങ്കൺ ഷെയറിന് സമീപം ബ്ലാക്ബേണിൽ ഭർത്താവിനോപ്പം താമസിച്ചിരുന്ന എലിസബത്ത് മാണി(26) ആണ് അന്തരിച്ചത്. ആറു മാസം മുൻപ് യുകെയിൽ എത്തിയ എലിസബത്ത് മാണി വീട്ടിൽ കുഴഞ്ഞു വീണതിനെ തുടർന്ന് ഏതാനും ദിവസങ്ങളായി ആശുപത്രിയിൽ ചികിത്സയിൽ ആയിരുന്നു. ചികിത്സ തുടരവേയാണ് കാൻസർ രോഗം ഗുരുതരാവസ്ഥയിലാണെന്ന് കണ്ടെത്തുന്നത്. കഴിഞ്ഞ ദിവസമാണ് മരണത്തിന് കീഴടങ്ങിയത്.
രണ്ടാഴ്ച മുൻപ് ഗർഭസ്ഥ ശിശുവിനെ നഷ്ടമായ പ്രയാസത്തിൽ കഴിയുകയായിയുന്നു എലിസബത്ത് മാണി. രണ്ടു വർഷമായി യുകെയിൽ നഴ്സ് ആയി ജോലി ചെയ്യുന്ന ഭർത്താവ് റോഫി ഗണരാജിന്റെ ആശ്രിത വീസയിലാണ് യുകെയിൽ എത്തുന്നത്. ഇവരുടെ കുടുംബം ഏറെക്കാലമായി ചെന്നൈയിലാണ് താമസം. മൃതദേഹം നാട്ടിൽ എത്തിച്ചു സംസ്കാരം നടത്താനാണ് കുടുംബാംഗങ്ങളുടെ ആഗ്രഹം.
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക
https://chat.whatsapp.com/Fvb5dzrOEnRCV2ReS4R7Gb