തിരുവനന്തപുരം: കേന്ദ്രാവിഷ്കൃത പദ്ധതിയായ സമഗ്ര ശിക്ഷയിലെ പ്രവര്ത്തനത്തിന് തുടര്ച്ചയായി രണ്ടാം വര്ഷവും കേരളത്തിന് ഒന്നാം സ്ഥാനം. പദ്ധതികള് നടപ്പാക്കുന്നതിലെ മികവിലാണ് കേരളം പെര്ഫോമന്സ് ഇന്ഡക്സില് ഒന്നാം സ്ഥാനം നിലനിര്ത്തിയത്.
റാങ്കിംഗില് 862 പോയിന്റാണ് കേരളം നേടിയത്. കഴിഞ്ഞ വര്ഷം കേരളത്തിന് 826 പോയിന്റായിരുന്നു.
വിദ്യാലയ പ്രവേശനത്തില് 98.75 ശതമാനവും, തുല്യതയില് 91 ശതമാനവും, പഠനനേട്ടങ്ങളില് 85.56 ശതമാനവും, ഭരണപരമായ പ്രവര്ത്തനങ്ങളില് 82.22 ശതമാനവും, അടിസ്ഥാന സൗകര്യങ്ങളില് 82 ശതമാനവും ആണ് കേരളത്തിന്റെ സ്കോര്.
കേരളം വിദ്യാഭ്യാസ മേഖല കൈവരിക്കുന്ന മുന്നേറ്റത്തിന്റെ നേര്ചിത്രമാണ് സമഗ്ര ശിക്ഷയിലും കൈവരിച്ച ഈ നേട്ടമെന്ന് മുഖ്യമന്ത്രി പിണറായി വിജയന് പറഞ്ഞു.
