തിരുവനന്തപുരം: വുഹാനിലെ വൈറസായ കൊറോണ (covid 19) ലോകമെമ്പാടും പടരുന്ന സാഹചര്യത്തില് ജനങ്ങളില് ബോധവല്ക്കരണം നടത്താന് കേരള പൊലീസും രംഗത്തിറങ്ങിയിട്ടുണ്ട്.
അതിന്റെ അടിസ്ഥാനത്തില് കേരള പൊലീസ് ഒരു വീഡിയോയും തയ്യാറാക്കിയിരുന്നു. ഈ വീഡിയോ ഇപ്പോള് സോഷ്യല് മീഡിയയില് വൈറല് ആകുകയാണ്. വീഡിയോയില് കൊറോണ വൈറസിനെ തുരത്താന് എന്തൊക്കെ ചെയ്യണമെന്ന് കൃത്യമായി ഡാന്സ് രൂപത്തില് വിവരിക്കുന്നുണ്ട്.
വീഡിയോയുടെ അവസാനം പരിഭ്രാന്തിയല്ല ജാഗ്രതയാണ് ആവശ്യം കേരളാ പൊലീസ് ഒപ്പമുണ്ട് എന്ന സന്ദേശവുമുണ്ട്.
ഒരിക്കല് വന്നുപോയ കൊറോണ വൈറസ് വീണ്ടും കേരളത്തില് പിടിമുറിക്കിയിരിക്കുകയാണ്. ഇതുവരെയായി 24 പോസിറ്റീവ് കേസുകളാണ് കേരളത്തില് റിപ്പോര്ട്ട് ചെയ്തിരിക്കുന്നത്.
ഇന്നലെ, ഇന്ന് ഇതുവരെയായും പുതിയ കേസുകളൊന്നും റിപ്പോര്ട്ട് ചെയ്തിട്ടില്ല. എന്നാല് നിരീക്ഷണത്തിലിരിക്കുന്നവരുടെ എണ്ണം കൂടിയതായും റിപ്പോര്ട്ട് ഉണ്ട്.
