സ്ററുട്ട്ഗര്ട്ട്: പതിനേഴാമത് സ്ററുട്ട്ഗര്ട്ട് ഇന്ത്യന് ചലച്ചിത്രോത്സവത്തില് ഡയറക്റ്റേഴ്സ് വിഷന് പുരസ്കാരം മധു സി. നാരായണന് സ്വന്തമാക്കി. കുമ്പളങ്ങി നൈറ്റ്സ് എന്ന തന്റെ ആദ്യ സിനിമയിലൂടെയാണ് മധുവിന്റെ നേട്ടം. ചിത്രത്തിന്റെ തിരക്കഥ, പശ്ചാത്തല സംഗീതം, അഭിനേതാക്കളുടെ സ്വാഭാവിക ശൈലിയിലുള്ള പ്രകടനം എന്നിവയെല്ലാം ഉന്നത നിലവാരത്തിലുള്ളതാണെന്ന് ജൂറി വിലയിരുത്തി. ആയിരം യൂറോയാണ് അവാര്ഡ് തുക.
ചലച്ചിത്രോത്സവത്തില് ജര്മന് സ്ററാര് ഓഫ് ഇന്ത്യ പുരസ്കാരത്തിന് പ്രതീക് വാറ്റ്സ് അര്ഹനായി. ഈബ് എലേ ഓ എന്ന ചിത്രത്തിലൂടെയാണ് നേട്ടം. 4000 യൂറോ അവാര്ഡ് തുക. ഹ്രസ്വചിത്ര വിഭാഗത്തില് ഷാന് വ്യാസിന്റെ നത്ഖത് ദ ബ്രാറ്റ് പുരസ്കാരത്തിന് അര്ഹമായി. അതനു മുഖര്ജിയുടെ വിഗ്, പ്രത്യേക പരാമര്ശത്തിനും അര്ഹമായി.