മിനിയാപൊളിസിന് വടക്ക്, യുഎസ് നഗരമായ ബ്രൂക്ലിൻ സെന്ററിലെ ഒരു ട്രാഫിക് സ്റ്റോപ്പിൽ ആഫ്രോ-അമേരിക്കൻ വംശജനെ പൊലീസ് വെടിവെച്ചു കൊന്നതിനെ തുടർന്ന് പ്രകോപിതരായ പ്രതിഷേധക്കാർ ബ്രൂക്ലിൻ സെന്ററിൽ പൊലിസ് ആസ്ഥാനത്തിനു മുന്നിലെത്തിയപ്പോൾ അവർക്കു നേരെ കണ്ണീർ വാതകവും റബ്ബർ വെടിയുണ്ടകളും പ്രയോഗിച്ചു.
20 കാരനായ ഡാന്റെ റൈറ്റ് ആണ് കൊല്ലപ്പെട്ടത്. വെടിവയ്പ്പ് ആകസ്മികമാണെന്ന് പോലീസ് മേധാവി ടിം ഗാനോൺ മാധ്യമങ്ങളോട് പറഞ്ഞു. ഞായറാഴ്ച പുലർച്ചെ ഡാന്റെ ഓടിച്ചിരുന്ന കാർ ഗതാഗത നിയമലംഘനത്തിന് തടഞ്ഞു നിർത്തി. കാറിൽ നിന്ന് പുറത്തിറങ്ങാൻ പൊലീസ് ആവശ്യപ്പെട്ടു. പിന്നെ അവർ തമ്മിൽ കയ്യാങ്കളിയായി.
ഡാന്റെ തിരിച്ചു കാറിൽ കയറി പോവാൻ ശ്രമിക്കുന്നതിനിടെയാണ് പോലീസ് വെടിവെച്ചത്.
