റിക്രൂട്ട്മെൻ്റ് മരവിപ്പിച്ചതിന് ശേഷം 2,200-ലധികം ജീവനക്കാരെ നിയമിക്കുന്നതിന് എച്ച്എസ്ഇക്ക് ആരോഗ്യ വകുപ്പ് അനുമതി നൽകി. ഈ വർഷം അധികമായി 2,969 ജീവനക്കാർക്കായി ധനസഹായം ലഭ്യമാക്കിയതായി ആരോഗ്യമന്ത്രി സ്റ്റീഫൻ ഡോണലി പറഞ്ഞു. ഹെൽത്ത് ഡിപ്പാർട്മെന്റിൽ 2,268, Children, Equality, Disability, Integration and Youth ഡിപ്പാർട്മെന്റിൽ 701 എന്നിങ്ങനെയാണ് നിയമനം. ആരോഗ്യ ബജറ്റിന് പ്രസക്തമായ പുതിയ വികസന തസ്തികകൾ അനുവദിക്കുന്നതിന് അംഗീകാരം നൽകിയിട്ടുണ്ട്.
ഈ 2,268 അധിക ജീവനക്കാരെ റിക്രൂട്ട് ചെയ്യാനുള്ള പദ്ധതികൾ പുരോഗമിക്കുകയാണ്. ഇത് 2024-ലെ ഓരോ മേഖലയിലും റിക്രൂട്ട്മെൻ്റ് നിശ്ചയിക്കാൻ HSE-യെ അനുവദിക്കും. പുതിയ ജീവനക്കാരെ റിക്രൂട്ട് ചെയ്യൽ, ആരോഗ്യ സേവനത്തിനുള്ളിലെ ജീവനക്കാരുടെ സ്ഥലംമാറ്റം, കരിയർ ബ്രേക്കുകൾക്ക് ശേഷം ജോലിയിലേക്ക് മടങ്ങുന്നവരുടെ നിയമനം എന്നിവ ഉൾപ്പെടെ ലഭ്യമായ തസ്തികകളുടെ നികത്തൽ സംബന്ധിച്ച പ്രാദേശിക തലത്തിലുള്ള തീരുമാനങ്ങൾ കൈക്കൊള്ളും.
എച്ച്എസ്ഇ പേ ആൻഡ് നമ്പേഴ്സ് സ്ട്രാറ്റജിയുമായി (പിഎൻഎസ്) യോജിപ്പിലാണ് എന്ന് മന്ത്രി കൂട്ടിച്ചേർത്തു. അമിത റിക്രൂട്ട്മെൻ്റിലൂടെ സൃഷ്ടിക്കപ്പെട്ട ഫണ്ടില്ലാത്ത തസ്തികകൾ എങ്ങനെ കൈകാര്യം ചെയ്യണം എന്നതുമായി ബന്ധപ്പെട്ടതാണ് ശ്രദ്ധേയമായ പ്രശ്നം. എച്ച്എസ്ഇ കഴിഞ്ഞ വർഷം 2,000 മുതൽ 2,500 വരെ ജീവനക്കാരെ കൂടുതൽ നിയമിച്ചു. HSE യുടെ ആരോഗ്യ സേവനത്തിൽ ഇപ്പോൾ ഏകദേശം 146,429 ജീവനക്കാർ ജോലി ചെയ്യുന്നു, 2020 ൻ്റെ തുടക്കത്തിൽ ഉണ്ടായിരുന്നതിനേക്കാൾ 26,617 സ്റ്റാഫ് ഇന്ന് കൂടുതലാണ്.
ഇതിൽ അധികമായി 8,414 നഴ്സുമാരും മിഡ്വൈഫുമാരും, 4,067 ആരോഗ്യ-സാമൂഹ്യ പരിചരണ വിദഗ്ധരും, 2,872 ഡോക്ടർമാരും ദന്തഡോക്ടർമാരും ഉൾപ്പെടുന്നു. എച്ച്എസ്ഇയിലുടനീളമുള്ള ഏജൻസി സ്റ്റാഫുകളുടെയും മാനേജ്മെൻ്റ് കൺസൾട്ടൻ്റുമാരുടെയും ചെലവ് കുറയ്ക്കുന്നതിനുള്ള നിർദ്ദേശം ഉൾപ്പെടെയുള്ള നിയന്ത്രണങ്ങളുടെ ഭാഗമാണ് താൽക്കാലികമായി നിർത്തിയത്.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://chat.whatsapp.com/Fvb5dzrOEnRCV2ReS4R7Gb
