ഇരുചക്ര വാഹനത്തിൽ സഞ്ചരിക്കുന്ന രണ്ടുപേർക്കും ഹെൽമറ്റ് നിർബന്ധമാക്കിയിട്ട് കുറച്ചു കാലമായെങ്കിലും ഇപ്പോഴും ഹെൽമെറ്റ് വെയ്ക്കാൻ നമ്മളിൽ മിക്കവരും തയ്യാറല്ല. എന്നാൽ, ഇതിനിടയിലാണ് ഹെൽമെറ്റ് വെച്ച് ബൈക്കിന്‍റെ പിന്നിൽ യാത്ര ചെയ്ത ഒരു നായ കൌതുകവും ചർച്ചയുമാകുന്നത്. കറുത്ത ലാബ്രഡോറാണ് നിയമം കൃത്യമായി പാലിച്ച് ബൈക്കിന്‍റെ പിന്നിൽ യാത്ര ചെയ്തത്.
തമിഴ് നാട്ടിൽ നിന്ന് റെക്കോർഡ് ചെയ്യപ്പെട്ട 17 സെക്കൻഡ് ദൈർഘ്യമുള്ള വീഡിയോയാണ് ഇപ്പോൾ സോഷ്യൽ മീഡിയയുടെ മനസ് കീഴക്കിയിരിക്കുന്നത്. മഞ്ഞ നിറമുള്ള ടി ഷർട്ട് ധരിച്ചയാൾ ഓടിക്കുന്ന ബൈക്കിനു പിന്നിലാണ് ഹെൽമെറ്റ് വെച്ച് സഞ്ചരിക്കുന്ന ലാബിനെ കണ്ടത്. പിൻസീറ്റിലിരിക്കുന്ന ലാബ് തന്‍റെ ഉടമസ്ഥന്‍റെ തോളുകളിൽ പിടിച്ചിട്ടുമുണ്ട്.
