തിരുവനന്തപുരം: മാനസിക സംഘര്ഷത്തില് പേരൂര്ക്കട എസ്.പി. ക്യാമ്പിലെ പോലീസുകാരന് കത്തിയുമായി ചെന്ന് അക്രമം കാണിച്ചു. ഞായറാഴ്ച രാത്രിയാണ് നാടകീയ സംഭവങ്ങള്ക്ക് വഴി തെളിയിച്ചത്. തിരഞ്ഞെടുപ്പ് ഡ്യൂട്ടി ഓരോ പോലീസുകാര്ക്കും അസി. കമാണ്ടന്റ് വിന്യസിച്ചിരുന്നു. ഇതിനെ ചൊല്ലി അക്രമിച്ച പോലീസുകാരന് അസ്വസ്ഥനായിരുന്നുവെന്ന് സഹപ്രവര്ത്തകര് പറഞ്ഞിരുന്നു.
തുടര്ന്ന് തിരിച്ച് ക്വാര്ട്ടേഴ്സിലേക്ക് പോയ പോലീസുകാരന് കയ്യില് ഒരു കത്തിയുമായി ഓഫീസില് അതിക്രമിച്ചു കയറുകയായിരുന്നു. തുടര്ന്ന് അയാള് അസി. കമാണ്ടന്റിന്റെ ഓഫീസ് മുറിയില് അതിക്രമിച്ച് കടന്ന അക്രമിക്കുകയായിരുന്നു. ഉടനെ പോലീസുകാര് അക്രമിയായ പോലീസുകാരെ കീഴ്പ്പെടുത്തി. കടുത്ത മാനസിക സംഘര്ഷം പോലീസുകാരന് അനുഭിച്ചിരുന്നുവെന്ന് സഹപ്രവര്ത്തകര് പറഞ്ഞു. പരസ്പരബന്ധമില്ലാതെ കുറെ നേരം സംസാരിച്ചുവെന്നും വെളിപ്പെടുത്തി. തുടര്ന്ന് മാനസിക വിഭ്രാന്തി കാണിച്ച പോലീസുകാരനെ കരുതല് തടങ്കലിലാക്കി മനസികാരോഗ ചികിത്സാ കേന്ദ്രത്തിലേക്ക് മാറ്റി. പോലീസിനെ നിരീക്ഷണത്തിന് നിയോഗിച്ചിട്ടുണ്ട്.