കോവിഡ് വ്യാപനം തടയുന്നതിന്റെ ഭാഗമായി കേന്ദ്ര വ്യോമയാന മന്ത്രാലയം നവംബര് 24 വരെ ആഭ്യന്തര വിമാന സര്വീസുകള്ക്ക് നിയന്ത്രണം ഏര്പ്പെടുത്തിയിട്ടുണ്ട്. ഇന്ത്യയില് നിലവില് പ്രവര്ത്തിക്കുന്ന ആഭ്യന്തര സര്വീസുകളെക്കുറിച്ച് അറിയേണ്ട കാര്യങ്ങള്. സമൂഹ വ്യാപനം തടയുന്നതിന്റെ ഭാഗമായി ഓഗസ്റ്റ് 24 വരെ നീട്ടിയിരുന്ന നിയന്ത്രണങ്ങള് നവംബര് 24 വരെയാണ് വീണ്ടും നീട്ടിയിരിക്കുന്നത്. ആഭ്യന്തര വിമാന സര്വീസുകള്ക്ക് കേന്ദ്രം നിയന്ത്രണം ഏര്പ്പെടുത്തിയിട്ടുണ്ട്. മുമ്പ്, സര്ക്കാര് മിനിമം, പരമാവധി നിരക്കുകള് നിശ്ചയിച്ചിരുന്നു.
സര്വീസുകള് എവിടേക്കെല്ലാം?
എല്ലാ വിമാനത്താവളങ്ങളില് നിന്നും വിമാന സര്വീസുകള് നടത്താന് സര്ക്കാര് അനുമതി നല്കിയിട്ടുണ്ട്. എന്നാല് വിമാനക്കമ്പനികള്ക്ക് യാത്രക്കാരുടെ ആവശ്യത്തിനനുസരിച്ച് ഏത് വിമാനത്താവളങ്ങളാണ് തങ്ങളുടെ ശൃംഖലയില് ഉള്പ്പെടുത്തേണ്ടതെന്ന് അന്തിമ തീരുമാനം എടുക്കാം. സ്ഥാനത്ത് വര്ദ്ധിച്ചുവരുന്ന കേസുകള് പരിശോധിക്കുന്നതിനായി പശ്ചിമ ബംഗാള് സര്ക്കാര് ആറ് കോവിഡ് -19 ഹോട്ട്സ്പോട്ട് നഗരങ്ങളായ ദില്ലി, മുംബൈ, പൂനെ, ചെന്നൈ, നാഗ്പൂര്, അഹമ്മദാബാദ് എന്നിവിടങ്ങളില് നിന്ന് ജൂലൈ 31 വരെ കൊല്ക്കത്തയിലേക്കുള്ള വിമാന സര്വീസുകള് നിരോധിച്ചിട്ടുണ്ട്. ബാഗ്ഡോഗ്രയിലേക്കുമുള്ള എല്ലാ വിമാനങ്ങളും നിര്ത്തിവച്ചു.
നിരക്കുകള് എങ്ങനെ?
നിരക്ക് പരിധി ഫ്ളൈറ്റ് ദൈര്ഘ്യം അനുസരിച്ച് ഏഴ് ബാന്ഡുകളായി തിരിച്ചിരിക്കുന്നു. ആദ്യ ബാന്ഡില് കുറഞ്ഞതും ഉയര്ന്നതുമായ നിരക്ക് പരിധികളുള്ള 40 മിനിറ്റോ അതില് കുറവോ ദൈര്ഘ്യമുള്ള ഫ്ലൈറ്റുകള് ഉള്പ്പെടുന്നു. രണ്ടാമത്തെയും മൂന്നാമത്തെയും നാലാമത്തെയും അഞ്ചാമത്തെയും ബാന്ഡുകള് യഥാക്രമം 40-60 മിനിറ്റ്, 60-90 മിനിറ്റ്, 90-120 മിനിറ്റ്, 120-150 മിനിറ്റ് ദൈര്ഘ്യമുള്ള ഫ്ളൈറ്റുകളാണ്.
കേന്ദ്ര നിര്ദേശം അനുസരിച്ച് 40 മിനിറ്റില് താഴെ ദൈര്ഘ്യമുള്ള ആഭ്യന്തര വിമാനങ്ങള്ക്ക് താഴ്ന്നതും ഉയര്ന്നതുമായ പരിധി 2,000 രൂപ മുതല് 6,000 രൂപ വരെയാണ്. 40-60 മിനിറ്റ് ദൈര്ഘ്യത്തിന് 2,500 രൂപയും 7,500 രൂപയുമാണ് പരിധി. 60-90 മിനിറ്റിന് 3,000 രൂപ 9,000 രൂപ വരെയാണ് നിരക്ക്. 90-120 മിനിറ്റിന് 3,500 രൂപ മുതല് 10,000 രൂപ വരെ വില വരും. 120-150 മിനിറ്റിന് 4,500 രൂപ മുതല് 13,000 രൂപ വരെയാണ് നിരക്ക്. 150-180 മിനിറ്റ് യാത്രയ്ക്ക് 5,500 രൂപയ്ക്കും 15,700 രൂപയ്ക്കും ഇടയിലാണ് ടിക്കറ്റ് നിരക്ക്. 180 മുതല് 210 മിനിറ്റിന് നിരക്ക് 6,500 രൂപയ്ക്കും 18,600 രൂപയ്ക്കും ഇടയില് വരും.
(നിരക്കുകള് ഓണ്ലൈന് ആയി മാറ്റം വന്നേക്കാം.)