കൊച്ചി: നടിയെ ആക്രമിച്ച കേസില് കാവ്യ മാധവന് കൂറുമാറിയെന്ന് പ്രോസിക്യൂഷൻ കോടതിയിൽ. കൊച്ചിയിലെ പ്രത്യേക സിബിഐ കോടതിയിൽ ഇന്നലെ പ്രോസിക്യൂഷന് വിസ്താരത്തിനിടയിലാണ് കാവ്യ കൂറുമാറിയത്.
കോടതിയുടെ അനുമതിയോടെ പ്രോസിക്യൂഷന് കാവ്യയെ ഒരുമണിക്കൂര് ക്രോസ് വിസ്താരം ചെയ്തു. വിസ്താരം ഇന്നും തുടരും. കേസില് 178 പേരുടെ വിസ്താരമാണ് ഇതുവരെ പൂര്ത്തിയായിട്ടുള്ളത്.
2017 ഫെബ്രുവരിയിൽ ആയിരുന്നു കേസിനാസ്പദമായ സംഭവം നടന്നത്. കേസിൽ എട്ടാം പ്രതിയാണ് നടൻ ദിലീപ്. ആറു മാസത്തിനകം വിചാരണ തീര്ക്കണമെന്നാണ് സുപ്രീംകോടതിയുടെ നിര്ദേശം. എന്നാൽ ലോക്ഡൗണിനെത്തുടര്ന്ന് കോടതി തുടര്ച്ചയായി അടച്ചിടേണ്ടി വന്നതിനാൽ വേഗത്തിൽ വിചാരണ തീര്ക്കാന് സാധിക്കില്ലെന്നാണ് വിചാരണ കോടതി സുപ്രീം കോടതിക്ക് കത്തയച്ചിരിക്കുന്നത്.