ന്യൂ‍ഡൽഹി: പെഗസസ് വിഷയത്തിൽ ഇടപെടാൻ സുപ്രീം കോടതി തീരുമാനിച്ചതിൽ സന്തോഷം അറിയിച്ച് കോൺഗ്രസ് നേതാവ് രാഹുൽ ഗാന്ധി. ഇന്ത്യൻ ജനാധിപത്യത്തെ തകർ‌ക്കുന്നതിനുള്ള ശ്രമമാണു പെഗസസിലൂടെ ഉണ്ടായതെന്നും പാർലമെന്റിൽ പെഗസസ് വിഷയം വീണ്ടും ഉയർത്തുമെന്നും രാഹുൽ വാർത്താ സമ്മേളനത്തിൽ പറഞ്ഞു.
സുപ്രീം കോടതിയുടെ പ്രതികരണം വലിയ ചുവടുവയ്പാണെന്നും സത്യം പുറത്തുവരുമെന്ന ആത്മവിശ്വാസമുണ്ടെന്നും കഴിഞ്ഞ പാർലമെന്റ് സെഷനിൽ പെഗസസ് വിഷയം കോൺഗ്രസ് ഉയർത്തിക്കൊണ്ടുവന്നിരുന്നുവെന്നും അദ്ദേഹം ചൂണ്ടിക്കാട്ടി.
