വളരെ ചെലവ് കുറഞ്ഞ ഇന്ത്യൻ കാരിയർ എന്ന് വിശേഷിപ്പിക്കപ്പെട്ടിരുന്ന ഗോ ഫസ്റ്റ് (മുമ്പ് ഗോ എയർ) ദോഹയ്ക്കും ഇന്ത്യയിലെ മൂന്ന് നഗരങ്ങൾക്കുമിടയിൽ വിമാന സർവീസ് നടത്താനൊരുങ്ങുന്നു. ആഗസ്റ്റ് 5 മുതൽ മുംബൈ, കൊച്ചി, കണ്ണൂർ എന്നിവടത്തേക്ക് ഗോ ഫസ്റ്റ് സര്‍വീസ് ആരംഭിക്കും.
മുംബൈയിൽ നിന്ന്, G8 1571 ആഗസ്റ്റ് 5 മുതൽ തിങ്കൾ, ചൊവ്വ, വ്യാഴം, ശനി ദിവസങ്ങളിൽ ആഴ്ചയിൽ നാല് തവണ പ്രവർത്തിക്കും, ഇത് മുംബൈയിൽ നിന്ന് രാത്രി 8.10 ന് പുറപ്പെട്ട് രാത്രി 9 മണിക്ക് ദോഹയിലെത്തും. ദോഹയിൽ നിന്ന്, G8 4471 മുകളിൽ സൂചിപ്പിച്ച നാല് ദിവസങ്ങളിൽ രാത്രി 10 മണിക്ക് പുറപ്പെട്ട് അടുത്ത ദിവസം പുലർച്ചെ 4 മണിക്ക് മുംബൈയിലെത്തും.
കൊച്ചിയിൽ നിന്ന്, G8 1572 ആഗസ്റ്റ് 5 മുതൽ വ്യാഴാഴ്ചയും ശനിയാഴ്ചയും ആഴ്ചയിൽ രണ്ടു തവണ പ്രവർത്തിക്കും, ഇത് കൊച്ചിയിൽ നിന്ന് രാത്രി 7.45 ന് പുറപ്പെട്ട് രാത്രി 9.30 ന് ദോഹയിലെത്തും. ദോഹയിൽ നിന്ന് G8 4472 അതേ ദിവസങ്ങളിൽ രാത്രി 10.30 ന് ദോഹയിൽ നിന്ന് പുറപ്പെട്ട് പിറ്റേന്ന് രാവിലെ 5.30 ന് കൊച്ചിയിലെത്തും.
കണ്ണൂരിൽ നിന്ന് G8 1573 ആഗസ്റ്റ് 6 മുതൽ വെള്ളി, ഞായർ ദിവസങ്ങളിൽ ആഴ്ചയിൽ രണ്ടു തവണ സർവീസ് നടത്തും. കണ്ണൂരിൽ നിന്ന് രാത്രി 8 മണിക്ക് പുറപ്പെട്ട് രാത്രി 9.30 ന് ദോഹയിലെത്തും. ദോഹയിൽ നിന്ന് G8 4473 അതേ ദിവസങ്ങളിൽ രാത്രി 10.30 ന് പുറപ്പെട്ട് പിറ്റേന്ന് രാവിലെ 5.15 ന് കണ്ണൂരിലെത്തും.
