ടോക്യോ പാരാലിമ്പിക്സിൽ വനിതകളുടെ 10 മീറ്റര് ഷൂട്ടിങ്ങില് സ്വർണം നേടി ഇന്ത്യ. അവനി ലേഖരയാണ് ഇന്ത്യക്കായി സ്വർണം നേടിയത്. പാരാലിമ്പിക്സിൽ സ്വർണം നേടുന്ന ആദ്യ ഇന്ത്യൻ വനിത എന്ന ചരിത്ര നേട്ടം കൂടി സ്വന്തമാക്കിയിരിക്കുകയാണ് അവനി ലെഖാര.
യോഗ്യത റൗണ്ടിൽ 621.7 പോയിന്റോടെ ഏഴാം സഥാനത്തായാണ് അവനി ഫൈനൽ റൗണ്ടിലേക്ക് കടന്നത്. ഫൈനൽ മത്സരത്തിൽ 249.6 പോയിന്റ് നേടിയാണ് അവനി നേട്ടം കൈവരിച്ചത്. അവനി ലേഖരയെ പ്രധാനമന്ത്രി നരേന്ദ്ര മോദി അഭിനന്ദിച്ചു.