ന്യൂഡല്ഹി: ഇന്ത്യന് വ്യോമസേനയുടെ മൂന്ന് വനിതാ വൈമാനികര്ക്ക് നാരീശക്തി പുരസ്കാരം ലഭിച്ചു.
യുദ്ധവിമാന വിഭാഗത്തിലെ ആദ്യത്തെ വൈമാനികാരായ മോഹന ജിതര്വാള്, ആവനീ ചതുര്വേദി, ഭാവന കാന്ത് എന്നിവര്ക്കാണ് നാരീശക്തി പുരസ്കാരം ലഭിച്ചത്.
മൂന്നുപേരും ഇന്ത്യയുടെ മിഗ്-21 യുദ്ധവിമാനങ്ങള് ഒറ്റക്ക് പറത്തുന്നതില് മികവ് നേടിയ സൈനികരാണ്. ഇന്ന് രാഷ്ട്രപതി ഭവനില് നടന്ന ചടങ്ങില് റാംനാഥ് കോവിന്ദ് പുരസ്കാരങ്ങള് നല്കി.
കേന്ദ്രമന്ത്രിമാരായ സ്മൃതി ഇറാനി, നിര്മ്മല സീതാരാമന് എന്നിവരും രാഷ്ട്രപതിക്കൊപ്പം വേദിയില് സന്നിഹിതരായിരുന്നു.