തിരുവനന്തപുരം: നിയമസഭാ തെരഞ്ഞെടുപ്പിൽ തകർപ്പൻ വിജയം രേഖപ്പെടുത്തിയ ശേഷം മന്ത്രിസഭ രൂപീകരണം സംബന്ധിച്ച ചർച്ച എൽഡിഎഫ് ആരംഭിച്ചു. പിണറായി വിജയൻ മുഖ്യമന്ത്രി സ്ഥാനം ഇന്ന് രാജി വയ്ക്കും. അധികം താമസിക്കാതെ തന്നെ പുതിയ മന്ത്രിസഭ രൂപീകരിക്കുമെന്നാണ് സൂചന.
രണ്ടാമത്തെ പിണറായി മന്ത്രിസഭയിലെ അംഗങ്ങളെ സംബന്ധിച്ച അന്തിമ തീരുമാനം 4 ദിവസത്തിനകം എടുക്കുമെന്നാണ് റിപ്പോർട്ട്. സി.പി.എമ്മിൽ നിന്ന് മത്സരിച്ച മിക്ക കേന്ദ്ര കമ്മിറ്റി അംഗങ്ങളും സംസ്ഥാന സെക്രട്ടേറിയറ്റ് അംഗങ്ങളും മന്ത്രിസഭയിൽ ഉണ്ടാകും.
നാൽപ്പത് വർഷത്തെ ചരിത്രം തിരുത്തിക്കുറിച്ചാണ് കേരളത്തിൽ തുടർഭരണം വരുന്നത്. പോസ്റ്റൽ വോട്ടുകൾ എണ്ണുമ്പോൾ മുതൽ നില നിർത്തിയ ലീഡ് എൽഡിഎഫിന് ഒരു ഘട്ടത്തിലും നഷ്ടപ്പെട്ടില്ലായിരുന്നു.