തിരുവനന്തപുരം: മീറ്റ് ദ് ഇൻവെസ്റ്റർ പരിപാടിയുമായി മന്ത്രി പി.രാജീവ്. 100 കോടി രൂപയ്ക്കു മുകളിൽ നിക്ഷേപമുള്ള വ്യവസായ സംരംഭങ്ങളും സ്ഥാപനങ്ങളുമായി മന്ത്രിയും ഉന്നത ഉദ്യോഗസ്ഥരും നടത്തുന്ന ഈ സ്ഥിരം ആശയ വിനിമയ പരിപാടി ഇന്നു തുടങ്ങും. സംരംഭകരുടെയും വ്യവസായികളുടെയും അഭിപ്രായങ്ങൾ തേടുകയും സർക്കാർ തലത്തിൽ പിന്തുണ ഉറപ്പാക്കുകയും ചെയ്യുകയാണ് പരിപാടിയുടെ ലക്ഷ്യം.
ധാത്രി, സിന്തൈറ്റ്, നീറ്റ ജെലറ്റിൻ എന്നീ വ്യവസായ ഗ്രൂപ്പുകളുമായി മന്ത്രി ഇന്നു കൂടിക്കാഴ്ച നടത്തും. 9 ജില്ലകളിൽ മീറ്റ് ദ് മിനിസ്റ്റർ പരിപാടി പൂർത്തിയായതിന്റെ തുടർച്ചയാണിത്.
