കാഞ്ചീപുരം: തമിഴ്നാട്ടിലെ മക്കള്ക്ക് അതിശയിപ്പിക്കുന്ന വാഗ്ദാനം നല്കി തമിഴ്മക്കളുടെ നടികര് തിലകം കമല്ഹാസന് നിറഞ്ഞു നില്ക്കുകയാണ്. തമിഴ്നാട്ടില് മക്കള്നീതി മയ്യം അതായത് എം.എന്.എം. അധികാരത്തില് വരികയാണെങ്കില തമിഴ്നാട്ടിലെ വീട്ടില് ജോലി ചെയ്യുന്ന എല്ലാ വീട്ടമ്മമാര്ക്കും ശംമ്പളം ഉറപ്പാക്കുമെന്ന് പ്രഖ്യാപിച്ചു. അതോടെ കമമലഹാസന് ഇന്ന് മാധ്യമങ്ങളില് നിറഞ്ഞു നിന്നു. ഇന്നേവരെ ആരും പ്രഖ്യാപിക്കാത്തതാണ് കമലഹാസന് ഇന്ന് ചെയ്തത്. ഇതുകൂടാതെ വരുന്ന 2021 തിരഞ്ഞെടുപ്പില് വിജയിക്കുകയാണെങ്കല് എല്ലാ വീടുകളിലും അതിവേഗ ഇന്റര്നെറ്റും ലഭ്യമാക്കുമെന്നും അദ്ദേഹം പ്രഖ്യാപിച്ചു.
വീടുകളില് ജോലി ചെയ്യുന്ന സ്ത്രീകള് ഒരു കുടുംബത്തിന്റെ മുഴുവന് ഉത്തരവാദിത്വം ചെയ്യുന്നവരാണ്. എന്നാല് അവരെ ഒരിക്കലും ആരും പരിഗണിക്കാറില്ല. എന്നാല് പ്രതിഫലം ഉറപ്പാക്കുന്നതോടെ എല്ലാ വിട്ടമ്മമാര്ക്കും ലഭിക്കുന്ന ആദരമായിരിക്കും ഇത് എന്നാണ് കമലഹാസന് പറയുന്നത്. കാഞ്ചീപുരത്തു വച്ച് പുറത്തിറക്കിയ തിരഞെറ്റജടുപ്പ് വാഗ്ദാനങ്ങള് ഉള്പ്പെട്ട ഭരണഘടന അജണ്ട പുറത്തുവിട്ടാണ് കമലഹാസന് ഇത്തരം ഒരു പ്രഖ്യാപനം നടത്തിയത്. ഈ പദ്ധതി അധികം താമസിയാതെ നടപ്പാക്കുമെന്ന് നേരത്തെ തന്നെ കമലഹാസന് പ്രഖ്യാപിച്ചതായിരുന്നു.
സംസ്ഥാനത്ത് അഴിമതി ഇല്ലാതാക്കി ജനങ്ങള്ക്ക് വേണ്ടി പ്രവര്ത്തിക്കുമെന്നും ഡി.ംെ.കെയുമായോ, എ.ഐ.എഡി.എം.കെയുമായോ ഒരിക്കലും കൈകോര്ക്കില്ലെന്നും അദ്ദേഹം വ്യക്തമാക്കി. വരുന്ന തിരഞ്ഞെടുപ്പ് മുന്നിര്ത്തി ഐ.എന്.എം ഇപ്പോള് തന്നെ പ്രവര്ത്തനം ആരംഭിച്ചു കഴിഞ്ഞു.