കൊറോണ വൈറസ് പാൻഡെമിക്കിനെതിരെ പോരാടുന്ന കുവൈത്തിലെ മുൻ‌നിര തൊഴിലാളികൾക്ക് ബോണസ് നല്‍കാനൊരുങ്ങി കുവൈത്ത് സര്‍ക്കാര്‍. 600 ദശലക്ഷം ദീനാര്‍ സര്‍ക്കാര്‍ വകയിരുത്തും വിദേശകാര്യ മന്ത്രിയും കാബിനറ്റ് കാര്യ സഹമന്ത്രിയുമായ ഷെയ്ഖ് ഡോ. അഹ്മദ് നാസർ അൽ സബ അറിയിച്ചു. ഇതിനായി പ്രത്യേക നിയമനിര്‍മാണം നടത്തുമെന്നുമാണ് റിപ്പോര്‍ട്ട്.
ആഗോള പാൻഡെമിക് ആരംഭിച്ചതിനുശേഷം കുവൈത്തിൽ കോവിഡ് -19 കേസുകൾ 229,550 ആണ്. ആരോഗ്യവകുപ്പ് മന്ത്രി ഷെയ്ഖ് ഡോ. ബാസൽ അൽ സബ തിങ്കളാഴ്ചത്തെ മന്ത്രിസഭാ യോഗത്തിൽ പറഞ്ഞു. ആകെ കോവിഡ് ബാധിതരില്‍ 93.25% പേരും രോഗമുക്തരായി. 14,263 പേരാണ് നിലവില്‍ ചികിത്സയിലുള്ളത്. ടെസ്റ്റ് പോസിറ്റിവിറ്റി നിരക്ക് 13.39 ശതമാനമാണ് .
