അബുദാബി: യുഎഇയിൽ പുതുതായി 469 പേർ കൂടി കോവിഡ് 19 മുക്തരായി. ഇതോടെ രോഗം ഭേദമായി ആശുപത്രി വിട്ടവരുടെ എണ്ണം 48,917 ആയതായും ആരോഗ്യ–രോഗപ്രതിരോധ മന്ത്രാലയം അറിയിച്ചു. കഴിഞ്ഞ 24 മണിക്കൂറിനുള്ളിൽ പുതുതായി 289 പേർക്ക് കൂടി രോഗം സ്ഥിരീകരിച്ചു. ഇതോടെ ആകെ രോഗികളുടെ എണ്ണം 56,711 ആയി. ഒരാളാണ് മരിച്ചത്. ആകെ മരണം: 338. പുതുതായി 46,000 പേർക്ക് കോവിഡ് പരിശോധന നടത്തിയപ്പോഴാണ് 289 പേർക്ക് രോഗം സ്ഥിരീകരിച്ചതെന്നും അധികൃതർ വ്യക്തമാക്കി.
