അയർലണ്ടിലെ സ്റ്റേറ്റ് പെൻഷൻ ആഴ്ചയിൽ €7.50 വർധിപ്പിക്കുന്ന കാര്യം സർക്കാർ പരിഗണിക്കുന്നതായി റിപ്പോർട്ട്. ബജറ്റ് 2027ന്റെ ഭാഗമായി പെൻഷൻ നിരക്കുകളിൽ വർധന വരുത്തുന്നതിനുള്ള നിർദേശങ്ങളാണ് പരിഗണനയിലുള്ളത്. വർധന നടപ്പാക്കിയാൽ നിലവിലെ പ്രധാന സ്റ്റേറ്റ് പെൻഷൻ നിരക്കിൽ ആഴ്ചയിൽ €7.50 അധികമായി ലഭിക്കും. നോൺ-കോൺട്രിബ്യൂട്ടറി സ്റ്റേറ്റ് പെൻഷൻ ഉൾപ്പെടെയുള്ള സാമൂഹ്യക്ഷേമ പേയ്മെന്റുകളിലും സമാനമായ വർധന കൊണ്ടുവരാനുള്ള സാധ്യതയുണ്ട്.
Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2
ബജറ്റ് 2027 ഒക്ടോബർ 6ന് അവതരിപ്പിക്കാനിരിക്കെയാണ് പെൻഷൻ വർധന സംബന്ധിച്ച ചർച്ചകൾ നടക്കുന്നത്. കഴിഞ്ഞ വർഷത്തെ ബജറ്റിൽ പ്രധാന സാമൂഹ്യക്ഷേമ നിരക്കുകൾ ആഴ്ചയിൽ €10 വീതം വർധിപ്പിച്ചിരുന്നു. പെൻഷൻക്കാർ, ഭിന്നശേഷിക്കാർ, കെയർമാർ, തൊഴിലന്വേഷകർ, ഒറ്റപ്പെട്ട മാതാപിതാക്കൾ എന്നിവർക്കും ഇതിന്റെ പ്രയോജനം ലഭിച്ചിരുന്നു.
ഊർജവില ഉയർന്ന സാഹചര്യത്തിൽ കുടുംബങ്ങളുടെ സാമ്പത്തിക സമ്മർദം കുറയ്ക്കുന്നതിനുള്ള വിവിധ നടപടികളും ബജറ്റിൽ പരിഗണിക്കുന്നുണ്ട്. ഫ്യൂവൽ അലവൻസ് വർധിപ്പിക്കുന്നതും സർക്കാർ പരിഗണിക്കുന്ന നടപടികളിലൊന്നാണ്. എന്നാൽ പെൻഷൻ വർധന സംബന്ധിച്ച അന്തിമ തീരുമാനം ബജറ്റ് പ്രഖ്യാപനത്തിന് ശേഷമേ വ്യക്തമാകൂ. നിലവിൽ പരിഗണനയിലുള്ള നിർദേശങ്ങളാണ് പുറത്തുവന്നിട്ടുള്ളത്.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
