ആഗോള പരിസ്ഥിതി സുസ്ഥിരതാ മത്സരത്തിൽ യൂറോപ്യൻ വിജയിയായി അയർലണ്ടിൽ നിന്നുള്ള മലയാളി വിദ്യാർത്ഥി ആര്യ സതീഷ് തിരഞ്ഞെടുക്കപ്പെട്ടു. 13 നും 19 നും ഇടയിൽ പ്രായമുള്ള വിദ്യാർത്ഥികൾക്കായുള്ള ആഗോള മത്സരമായ ദി എർത്ത് പ്രൈസ് 2026 ലെ ഏഴ് പ്രാദേശിക വിജയികളിൽ ഒരാളാണ് ഡൊണഗലിലെ ലെറ്റർകെന്നിയിൽ നിന്നുള്ള ആര്യ സതീഷ്. ആര്യയുടെ കണ്ടെത്തലായ ഇക്കോ പർജ്, പരിസ്ഥിതിയിലെ നിലവിലുള്ള മൈക്രോപ്ലാസ്റ്റിക്കുകളെയും നീക്കം ചെയ്യുന്ന ഒരു ബയോഡീഗ്രേഡബിൾ പ്ലാസ്റ്റിക് ആണ്.
പ്രവർത്തനക്ഷമമായ ഒരു പ്രോട്ടോടൈപ്പ് വികസിപ്പിക്കുന്നതിനായി ആര്യ ഇതിനകം ഡബ്ലിൻ യൂണിവേഴ്സിറ്റി കോളേജ്, എടിയു ലെറ്റർകെന്നി എന്നിവിടങ്ങളിലെ ഗവേഷകരുമായും ബയോഓർബിക് ബയോഇക്കണോമി റിസർച്ച് സെന്ററുമായും സഹകരിച്ചു പ്രവർത്തിച്ചിട്ടുണ്ട്. ദി എർത്ത് പ്രൈസിൽ നിന്നുള്ള 12,500 ഡോളർ സമ്മാനത്തുക ഉപയോഗിച്ച്, പാക്കേജിംഗ്, കമ്പോസ്റ്റ് ബാഗുകൾ പോലുള്ള ഉൽപ്പന്നങ്ങളുടെ ബദൽ കണ്ടെത്താനാണ് ആര്യ തയ്യാറെടുക്കുന്നത്. ഇതിലൂടെ മൈക്രോപ്ലാസ്റ്റിക് മലിനീകരണം വലിയ തോതിൽ കൈകാര്യം ചെയ്യുന്നത് എളുപ്പമാക്കുന്നു.
Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2
പ്ലാസ്റ്റിക് മലിനീകരണം പെട്ടെന്ന് അപ്രത്യക്ഷമാകുന്നില്ല. ആ പ്രശ്നം നേരിട്ട് പരിഹരിക്കാൻ സഹായിക്കുന്ന മാർഗ്ഗങ്ങൾ സൃഷ്ടിക്കാൻ ഞാൻ ആഗ്രഹിക്കുന്നതായി ആര്യ പറഞ്ഞു. പ്ലാസ്റ്റിക്ക് ഉപയോഗം ഇല്ലാതാക്കുന്നതിനും നിലവിലുള്ള മൈക്രോപ്ലാസ്റ്റിക് നീക്കം ചെയ്യുന്നതിനും സഹായിക്കുന്നതിനാണ് ഇക്കോ പർജ് രൂപകൽപ്പന ചെയ്തിരിക്കുന്നത്. ഇത് ഒരു തുടക്കം മാത്രമാണ്. കൂടുതൽ ശാശ്വതമായ പരിഹാരമായി ഇത് മാറുമെന്ന് പ്രതീക്ഷിക്കുന്നതായും ആര്യ പറയുന്നു.
2019-ൽ സ്കൂൾ ഫോർ ക്ലൈമറ്റ് സമരത്തിനിടെ സ്ഥാപിതമായ സ്വിറ്റ്സർലൻഡിലെ ജനീവ ആസ്ഥാനമായുള്ള നോൺ -പ്രോഫിറ്റ് സംഘടനയായ ദി എർത്ത് ഫൗണ്ടേഷനാണ് എർത്ത് പ്രൈസ് നടത്തുന്നത്. മത്സര വിജയികൾക്ക് ഈ മാസം അവസാനം സമ്മാനങ്ങൾ വിതരണം ചെയ്യും.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
