2010 ഒക്ടോബർ 2 മുതൽ സജീവമായി നടന്നുവന്നിരുന്നതും, കോവിഡ് സാഹചര്യത്തില് നിര്ത്തിവച്ചിരുന്നതുമായ കേരള ഹൗസ് അയര്ലന്ഡിന്റെ വാരാന്ത്യകൂട്ടായ്മ പുനരാരംഭിക്കുന്നു. ഈ വരുന്ന ഞായറാഴ്ച താല കിൽമാനാഗ് ഹാളിൽ വൈകിട്ട് അഞ്ചര മുതൽ ഒൻപതര വരെ (5:30PM to 9:30PM ) മുതിര്ന്നവര്ക്ക് മാത്രമായി കൂട്ടായ്മ തുടക്കം കുറിക്കുമെന്നും ഇതു എല്ലാ ഞായറാഴ്ചകളിലും അതെ സമയത്തു തുടർന്ന് പോകുവാനും ഉദ്ദേശിക്കുന്നതായി കേരള ഹൗസ് അറിയിച്ചു.
മുതിര്ന്നവര്ക്കായി വിനോദപരിപാടികള്, കുട്ടികള്ക്ക് ചെസ്സ്, മലയാളപഠനം തുടങ്ങിയവയായിരുന്നു കൂട്ടായ്മയില് സാധാരണയായി നടന്നുവന്നിരുന്നത്. ഉടന് തന്നെ കുട്ടികൾക്കായുള്ള ചെസ്സ്, ക്യാരംസ് , ടേബിൾ ടെന്നീസ് , മലയാളം ക്ലാസ് & ഡാൻസ് ക്ലാസ്സ് എന്നിവ ആരംഭിക്കുമെന്നും കേരള ഹൗസ് അറിയിച്ചിട്ടുണ്ട്.
മാസത്തിൽ ഒരു ഞായറാഴ്ചകളിൽ ഓരോ അംഗങ്ങളും ക്ലബ്ബിൽ എത്താൻ ശ്രമിക്കണമെന്നും ക്ലബ്ബിൻ്റെ നടത്തിപ്പ്
ചിലവിനായി രണ്ടു വർഷത്തേക്ക് ഒരു മെമ്പറിൽ നിന്നും അമ്പതു യൂറോ സ്വീകരിക്കുന്ന കാര്യം പരിഗണനയിലുണ്ട് എന്നും കേരള ഹൗസ് അറിയിച്ചു.
*GNN NEWS IRELAND* നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക
https://chat.whatsapp.com/KJDcHpwITwRG3nWGZdZGwu