കാത്‌ലീൻ കൊടുങ്കാറ്റ് അയർലണ്ടിൽ വീശുന്നതിനാൽ, അഞ്ച് കൗണ്ടികളിൽ സ്റ്റാറ്റസ് ഓറഞ്ച് വിൻഡ് അലേർട്ട് ഉൾപ്പെടെയുള്ള കാലാവസ്ഥാ മുന്നറിയിപ്പുകൾ രാജ്യമെമ്പാടും പ്രാബല്യത്തിലുണ്ട്. കോർക്ക്, കെറി, വാട്ടർഫോർഡ് എന്നിവിടങ്ങളിൽ ഉച്ചയ്ക്ക് 2 മണി വരെ സ്റ്റാറ്റസ്-ഓറഞ്ച് വിൻഡ് അലേർട്ട് നിലവിലുണ്ട്. ഗാൽവേയിലും മയോയിലും രാവിലെ 9 മുതൽ വൈകുന്നേരം 6 വരെ മറ്റൊരു സ്റ്റാറ്റസ്-ഓറഞ്ച് വിൻഡ് അലേർട്ട് മുന്നറിയിപ്പ് നിലവിലുണ്ട്. രാത്രി 8 മണി വരെ രാജ്യവ്യാപകമായി സ്റ്റാറ്റസ്-യെല്ലോ വിൻഡ് അലേർട്ട് മുന്നറിയിപ്പ് നിലവിലുണ്ട്. ചില പ്രദേശങ്ങളിലും തീരപ്രദേശങ്ങളിലും മണിക്കൂറിൽ 70 മൈൽ വരെ വേഗത്തിൽ കാറ്റ്വീശും.
ദുഷ്‌കരമായ യാത്രാസാഹചര്യങ്ങൾ, മരങ്ങൾ കടപുഴകി വീഴൽ, ചില വൈദ്യുതി മുടക്കം, തീരപ്രദേശങ്ങളിൽ വെള്ളപ്പൊക്കം എന്നിവയ്‌ക്ക് സാധ്യതയുള്ളതായി മെറ്റ് ഐറിയൻ മുന്നറിയിപ്പ് നൽകി. ജനങ്ങൾ തീരപ്രദേശങ്ങളിൽ നിന്നും മാറി നിൽക്കണമെന്ന് നാഷണൽ ഡയറക്ടറേറ്റ് ഫോർ ഫയർ ആൻഡ് എമർജൻസി മാനേജ്‌മെൻ്റ് (NDFEM) ദേശീയ ഡയറക്ടർ കീത്ത് ലിയോനാർഡ് അറിയിച്ചു. ആൻട്രിം, അർമാഗ്, ഡൗൺ, ഫെർമനാഗ്, ടൈറോൺ, ഡെറി എന്നീ കൗണ്ടികൾക്ക് കാലാവസ്ഥാ നിരീക്ഷണ കേന്ദ്രം കാറ്റ് മുന്നറിയിപ്പ് നൽകി. രാവിലെ 8 മുതൽ രാത്രി 10 വരെ മുന്നറിയിപ്പ് തുടരും.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/Fvb5dzrOEnRCV2ReS4R7Gb
