ലണ്ടന്‍: എടിപി ഫൈനലിൽ ഓസ്‌ട്രേലിയന്‍ താരം ഡൊമിനിക് തീം റാഫേൽ നദാലിനെ നേരിട്ടുള്ള സെറ്റുകൾക്ക് പരാജയപ്പെടുത്തി സെമി ഫൈനലിൽ ഇടം നേടി. ഫ്രഞ്ച് ഓപ്പൺ ചാമ്പ്യനുമായുള്ള മുൻ നാല് മീറ്റിംഗുകളിൽ തീം മൂന്ന് വിജയങ്ങൾ നേടി. സ്‌കോര്‍ 7-6, 7-6. അഞ്ചാമത്തെ മാച്ച് പോയന്റിലായിരുന്നു
ഡൊമിനിക് തീമിന്റെ വിജയം.
അന്തിമവിജയം നേടിയതില്‍ തനിക്ക് വളരെ ഏറെ സന്തോഷമുണ്ടെന്നും യുഎസ് ഓപ്പണ്‍ ചാമ്പ്യനായ തീം പറഞ്ഞു. അവസാന സെഷനിൽ സിറ്റ്‌സിപാസ് റുബ്ലെവിനെ പരാജയപ്പെടുത്തിയാൽ സെമി ഫൈനലിന് യോഗ്യത നേടുന്ന ആദ്യ കളിക്കാരനാകും തീം.
നദാലും സിറ്റ്‌സിപാസും ഒരോ കളികളില്‍ തോല്‍വിയും ജയവുമായി ഒപ്പത്തിനൊപ്പമാണ്. അതേസമയം റുബലേവ് തോല്‍വിയോടെ പുറത്തായി. നദാലിനും സിറ്റ്‌സിപാസിനും അവസാന മത്സരത്തില്‍ ജയിച്ചാല്‍ മാത്രമേ സെമി സ്ഥാനം ഉറപ്പിക്കാന്‍ കഴിയൂ. ഇരുവരും തമ്മിലുള്ള പോരാട്ടത്തിലെ വിജയി തീമിനൊപ്പം സെമി ഉറപ്പാക്കും.
