നയതന്ത്ര കള്ളക്കടത്ത് കേസില് ദുബൈ റാക്കറ്റിലെ പ്രധാനി കൊച്ചിയില് അറസ്റ്റിലായി. തിരുവമ്പാടി സ്വദേശി മുഹമ്മദ് മന്സൂറാണ് പിടിയിലായത്. ദുബെയില് നിന്ന് എത്തിയ മന്സൂറിനെ നെടുമ്പാശ്ശേരി വിമാനത്താവളത്തിൽ വെച്ച് എന്ഐഎ സംഘമാണ് അറസ്റ്റ് ചെയ്തത്. കേസിലെ പ്രധാന പ്രതികളില് ഒരാളായ ഫൈസല് ഫരീദിന്റെ അടുത്ത കൂട്ടാളി കൂടിയാണ് ഇയാള്.
വിദേശത്ത് ഒളിവിൽ കഴിയുന്നവരെ നാട്ടിലെത്തിക്കാൻ എൻഐഎ അന്വേഷണ സംഘം ഇന്റർപോളിന്റെ സഹായം തേടിയിരുന്നു. കേസുമായി ബന്ധപ്പെട്ട ഫൈസൽ ഫരീദ് ഉൾപ്പടെയുള്ളവരെ ഇനിയും പിടികൂടാനായിട്ടില്ല.