ബാലുശ്ശേരി: ഇന്നലെ നേപ്പാള് സ്വദേശികളായ ദമ്പതിമാരുടെ ആറുവയസ്സുള്ള പെണ്കുട്ടിയെ പീഡിപ്പിച്ച കേസില് അറസ്റ്റിലായ പ്രതി നാടകീയമായി ആത്മഹത്യയ്ക്ക് ശ്രമിച്ചു. ഉണ്ണികുളം നെല്ലിപറമ്പില് രതീഷ് (32) ആണ് ആത്മഹത്യയ്ക്ക് ശ്രമിച്ചത്. ചോദ്യം ചെയ്യല് പൂര്ത്തിയാക്കി രണ്ടാം നിലയില നിന്നും താഴക്ക് വരുന്ന വഴിയാണ് പോലീസിന്റെ കണ്ണുവെട്ടിച്ച് ഒന്നാം നിലയിലേക്ക് പ്രതി യായ രതീഷ് എടുത്തു ചാടിയത്.
ഒന്നാം നിലയിലെ കോണിപ്പടിയില് നിന്നും താഴേക്ക് ചാടിയെങ്കിലം ഗുരുതരാമായിട്ടൊന്നും പരിക്ക് ഉണ്ടായിരുന്നില്ല. എങ്കിലും പ്രതിയെ തൊട്ടടുത്ത ആശുപത്രിയില് പ്രാധമിക പരിശോധനകള് നടത്തിയ ശേഷം മെഡിക്കല് കോളേജില് പ്രവേശിപ്പിച്ചു. പ്രതിയുടെ നീക്കം തികച്ചും അപ്രതീക്ഷിതമായതിനാല് പോലീസുകാര്ക്ക് രക്ഷിക്കാനൊ മറ്റോ സാധിച്ചില്ല. സംഭവ സമയത്ത് റൂറല് എസ്.പി. ഉള്പ്പെടെയുള്ള ഉദ്യോഗസ്ഥര് എല്ലാവരും ഉണ്ടായിരുന്നു.
ബുധനാഴ്ചയായിരുന്നു കേസിന് ആസ്പദമായ സംഭവം നടന്നത്. നേപ്പാളി ദമ്പതിമാര് തമ്മില് വഴക്കാവുകയും യുവതി തന്റെ ഒരു കുഞ്ഞുമായി ഭര്ത്താവുമായി വഴക്കിട്ട ദേഷ്യത്തില് കുറച്ചു ദൂരമുള്ള കുടുംബ സുഹൃത്തിന്റെ വീട്ടിലേക്ക് പോവുകയും ചെയ്തു. ഈ അവസരത്തില് മറ്റു കുട്ടികളെ വീട്ടില് നിര്ത്തി നേപ്പാളി യുവാവ് ഭാര്യയെ കൂട്ടിക്കൊണ്ടുവരാന് പോയ സന്ദര്ഭത്തില് പ്രതി ഇവരുടെ വീട്ടിലെത്തുകയും പെണ്കുട്ടിയെ അതിക്രൂരമായി പീഢിപ്പിക്കുകയുമാണുണ്ടായത്.