കോഴിക്കോട്: ലൈറ്റ്സോഴ്സ് ഫോട്ടോഗ്രഫി കൂട്ടായ്മ അതിന്റെ പത്താം വാർഷികവും ലൈറ്റ്സോഴ്സ് ഫോട്ടോഗ്രഫി പ്രദർശനം എട്ടാം വാർഷികവും ആഘോഷിക്കുകയാണ്. ഈ വർഷത്തെ ഫോട്ടോ പ്രദർശനം എക്സ്പോഷർ 2020 ഓൺലൈൻ ആയാണ് സംഘടിപ്പിക്കുന്നത്. ദേശീയ- അന്തർദേശീയ പുരസ്കാരങ്ങളടക്കം നേടിയ16 ഫോട്ടോഗ്രാഫർമാരുടെ 300 ൽ അധികം ചിത്രങ്ങൾ ആണ് പ്രദർശനത്തിൽ ഉള്ളത്.
ഫൈറോസ് ബീഗം, അനീസ് വടക്കൻ, ഷിജിത് വി.പി., നെസ്റു തിരൂർ, അൻവർ സാദിഖ് പാങ്, ഷബീർ തുറക്കൽ, സിന്ദുൽ യതീന്ദ്രനാഥ്, സജി ചെറുകര, രാജേഷ് മാസ്റ്റർ, വിജേഷ് പി.കെ., ബെൻ വർഗീസ്, ജയേഷ് കോട്ടക്കൽ, ഷമീം മഞ്ചേരി, ലത്തീഫ് എം.എ., മനു ശങ്കർ, നെസ്റുദ്ദീൻ മറ്റത്തൂർ എന്നീ ഫോട്ടോഗ്രാഫർമാർ ആണ് പ്രദർശനത്തിൽ ഉള്ളത്.പ്രദർശനം ഒരു മാസക്കാലം ലൈറ്റ്സോഴ്സ് വെബ്സൈറ്റിലൂടെ കാണാനാവും. എക്സിബിഷന്റെയും വെബ്സൈറ്റിന്റെയും ഔപചാരിക ഉദ്ഘാടനം പിന്നീട് നടക്കും.www.lightsourcephotographers.com എന്ന വിലാസത്തിൽ ചിത്രങ്ങൾ കാണാം.