സ്വപ്നജീവിതം പടുത്തുയർത്താൻ അയർലണ്ടിലേക്ക് എത്തിയ മലയാളി നേഴ്സ് സ്മിത കിഴക്കൂടൻ ജോർജിന്റെ ജീവിതത്തിലേക്ക് വില്ലനായി ക്യാൻസർ രോഗം എത്തിയതോടെ, പ്രതീക്ഷ അസ്തമിച്ച അവസ്ഥയിലാണ് ആ കുടുംബം. കീമോതെറാപ്പിയും റേഡിയോ തെറാപ്പിയും ഉൾപ്പെടെ സ്മിതയുടെ ചികിത്സ തുടരുന്നു. അസുഖം കാരണം സ്മിതയ്ക്ക് ജോലിയിൽ തുടരാനും സാധിക്കില്ല. സ്മിതയുടെ ഏക വരുമാനം മാത്രം ആശ്രയിക്കുന്ന ആ കുടുംബത്തിന് ചികിത്സാ ചിലവുകൾ ഉൾപ്പെടെ ഇപ്പോൾ താങ്ങാനാവാത്ത അവസ്ഥയിലാണ്.
സ്മിതയ്ക്ക് മൂന്ന് കുട്ടികളുണ്ട്. സ്മിതയ്ക്ക് രോഗം കണ്ടെത്തിയതിന് പിന്നാലെ ഭർത്താവ് അയർലണ്ടിലേക്ക് എത്തി. എന്നാൽ വർദ്ധിച്ചുവരുന്ന ചികിത്സാ ചെലവുകളും ദൈനംദിന ജീവിതച്ചെലവും കണ്ടെത്താൻ കഴിയാതെ കുടുംബം പ്രതിസന്ധി നേരിടുകയാണ് ഈ അവസരത്തിൽ സ്മിതയുടെ കുടുംബത്തിനും ചികിത്സക്കും പിന്തുണ നൽകുന്നതിന് സുമനസ്സുകളുടെ സഹായം അഭ്യർത്ഥിക്കുന്നു. ധനസഹായം നൽകാൻ താല്പര്യമുള്ളവർ താഴെ നൽകിയിരിക്കുന്ന ലിങ്ക് ക്ലിക്ക് ചെയ്യുക.
