സോഷ്യൽ മീഡിയ കമ്പനികൾക്കായി ഇന്ത്യയുടെ പുതിയ നിയമങ്ങൾ പാലിക്കുന്നതിന് ട്വിറ്ററിന് അന്തിമ നോട്ടീസ് നൽകി. മൈക്രോ ബ്ലോഗിംഗ് സൈറ്റ് മാർഗ്ഗനിർദ്ദേശങ്ങൾ പാലിക്കുന്നതിൽ പരാജയപ്പെട്ടാൽ, അവർ “ഐടി നിയമവും മറ്റ് ഫലങ്ങളും” നേരിടേണ്ടിവരുമെന്ന് കേന്ദ്രം അറിയിച്ചു.
“ചട്ടങ്ങൾ ഉടനടി പാലിക്കുന്നതിനുള്ള അവസാന അറിയിപ്പ് ട്വിറ്റർ ഇൻകോർപ്പറേഷന് നൽകിയിട്ടുണ്ട്, ഇത് പരാജയപ്പെട്ടാൽ ഐടി ആക്റ്റ് 2000 ലെ 79-ാം വകുപ്പ് പ്രകാരം ലഭ്യമായ ബാധ്യതയിൽ നിന്ന് ഒഴിവാക്കുന്നത് പിൻവലിക്കും, ഇതുകൂടാതെ ഐടി നിയമം, ഇന്ത്യയിലെ മറ്റു ശിക്ഷാനിയമങ്ങള് എന്നിവ പ്രകാരമുളള അനന്തരനടപടികള് നേരിടേണ്ടി വരും.’ – അന്തിമ അറിയിപ്പില് കേന്ദ്രം വ്യക്തമാക്കുന്നു.
കഴിഞ്ഞ ആറുമാസമായി ലോഗിന് ചെയ്തിട്ടില്ലെന്ന കാാരണത്താൽ ഉപരാഷ്ട്രപതി വെങ്കയ്യ നായിഡുവിന്റെ വ്യക്തിഗത അക്കൗണ്ടില് നിന്ന് ട്വിറ്റര് ബ്ലു ടിക് വെരിവിക്കേഷന് ബാഡ്ജ് നീക്കം ചെയ്തിരുന്നു. ഇതേ തുടർന്നാണ് കേന്ദ്രം തിടുക്കത്തില് ട്വിറ്ററിന് അന്ത്യശാസനം നല്കിയിരിക്കുന്നത്.
