കോതമംഗലം: നെല്ലിക്കുഴിയില് സ്വകാര്യ ഡെന്റല് കോളേജ് വിദ്യാര്ഥിനിയെ വെടിവെച്ച് കൊലപ്പെടുത്തിയ ശേഷമേ യുവാവ് ജീവനൊടുക്കി. കണ്ണൂര് നാറാത്ത് സ്വദേശി മാനസയാണ് വെടിയേറ്റ് കൊല്ലപ്പെട്ടത്. മാനസയെ കൊലപ്പെടുത്തിയ ശേഷം കണ്ണൂര് സ്വദേശി രാഖില് സ്വയം വെടിവച്ച് ആത്മഹത്യ ചെയ്യുകയായിരുന്നു. വെള്ളിയാഴ്ച ഉച്ചയോടെയായിരുന്നു സംഭവം.
നെല്ലിക്കുഴിയിലെ ഇന്ദിര ഗാന്ധി ഡെന്റല് കോളേജിലെ ഹൗസ് സര്ജനാണ് മാനസ. കോളേജിന് സമീപത്തെ ഒരു വീട്ടില് പേയിങ് ഗസ്റ്റായി താമസിച്ചു വരികയായിരുന്നു ഇവര്.
രാഖില് നേരത്തെയും മാനസയെ ശല്യപ്പെടുത്തിയിരുന്നതായും ഇതു സംബന്ധിച്ച് പെണ്കുട്ടിയുടെ മാതാപിതാക്കള് പരാതിപ്പെട്ടിരുന്നതായും വിവരമുണ്ട്. രണ്ടു പേരുടെയും മൃതദേഹങ്ങള് കോതമംഗലം മാര് ബസേലിയസ് ആശുപത്രിയിലേക്ക് മാറ്റി.
