ഭക്ഷണപ്രേമികൾക്ക് ഇതാ സന്തോഷ വാർത്ത. മലയാളികളുടെ പ്രിയ റെസ്റ്റോറന്റ് ശൃംഘല ബാർബിക്യു നേഷൻ തങ്ങളുടെ അഞ്ചാമത്തെ ഔട്ട്ലെറ്റ് കേരളത്തിൽ പ്രവർത്തനം ആരംഭിച്ചു.
മുൻനിര കാഷ്വൽ ഡൈനിങ് ശൃംഖലയായ ബാർബിക്യൂ നേഷൻ കേരളത്തിലെ അഞ്ചാമത് ഭക്ഷണശാല കാക്കനാട്ട് തുറന്നു. കൊച്ചിയിലെ രണ്ടാമത് ഔട്ട്ലറ്റാണിത്. 144 പേർക്ക് ഒരേസമയം ഭക്ഷണം കഴിക്കാവുന്ന വിശാലമായ സൗകര്യമുള്ള പുതിയ ഔട്ട്ലറ്റ് കോർപറേറ്റ് ലഞ്ചിനും കുടുംബ സംഗമങ്ങൾക്കും അനുയോജ്യമായ രീതിയിലാണ് രൂപകൽപ്പന ചെയ്തിരിക്കുന്നത്.
ലൈവ് ഓൺ ദ് ടേബിൾ ഗ്രിൽ എന്ന ആശയം ആദ്യമായി അവതരിപ്പിച്ച ബാർബിക്യു നേഷനിലെ യഥേഷ്ടം കഴിക്കാവുന്ന ബുഫെ വളരെ പ്രശസ്തമാണ്. വെജിറ്റേറിയൻ, നോൺ വെജ് വിഭവങ്ങളാൽ സമൃദ്ധവും രുചി വൈവിധ്യം കൊണ്ട് വേറിട്ടു നിൽക്കുകയും ചെയ്യുന്ന ഒന്നാണ് ഈ ബുഫെ.
കേരളത്തിൽ പ്രവർത്തനം കൂടുതൽ വിപുലപ്പെടുത്തുന്ന പദ്ധതികളുമായി മുന്നോട്ടു പോകുകയാണെന്ന് ബാർബിക്യു നേഷൻ ചീഫ് ഓപറേറ്റിങ് ഓഫീസർ ഫയിസ് അസിം പറഞ്ഞു.
