മെൽബൺ: നാടകോത്സവത്തിൽ പങ്കെടുക്കാൻ എത്തിയ ശ്രീ. KV ഗണേഷ്, ശ്രീ. സുനിൽ സുഖദ, ശ്രീ. അപ്പുണ്ണി ശശി, ശ്രീ. എസ് പി ശ്രീകുമാർ എന്നിവർക്ക് സമതയുടേയും വിപഞ്ചിക ഗ്രന്ഥശാലയുടെയും പ്രവർത്തകർ മെൽബൺ എയർപോർട്ടിൽ ബുധനാഴ്ച വൈകുന്നേരം സ്വീകരണം നൽകി.
നമുക്കിനിയും നാടകങ്ങൾ കാണണം എന്ന ഹാഷ്ടാഗോടുകൂടിയാണ് സമത ഓസ്ട്രേലിയയും വിപഞ്ചിക ഗ്രന്ഥശാലയും ഒരുക്കുന്ന IHNA People’s Theatre Fest ഇത്തവണ അരങ്ങേറുന്നത്. മെയ് 11 ന് വൈകിട്ടു 4 മണി മുതൽ BoxHill ടൗൺ ഹാളിലാണ് ജനകീയ നാടകോത്സവം. മലയാള സിനിമാതാരങ്ങളായ ശ്രീകുമാറും , സുനിൽ സുഗതയും അവതരിപ്പിക്കുന്ന ടാർസൻ, അപ്പുണ്ണി ശശി അവതരിപ്പിക്കുന്ന തിരഞ്ഞെടുപ്പ് എന്നീ നാടകങ്ങൾക്കൊപ്പം Kepta മെൽബണിന്റെ അതെന്താ? എന്ന നാടകവും ഉണ്ട്.
നാടകോത്സവത്തിൻ്റെ ഭാഗമായി തിരുവരങ്ങ്, വരയരങ്ങ്, വായനരങ്ങ്,കളിയരങ്ങ്, രുചിയരങ്ങ് എന്നിവയും രംഗചേതന ആർട്ടിസ്റ്റിക് ഡയറക്ടർ കെ.വി.ഗണേഷിൻ്റെ നേതൃത്വത്തിൽ തിയ്യറ്റർ വർക്ക്ഷോപ്പും ഓട്ടിസവും തിയ്യറ്റർ തെറാപ്പിയും എന്ന സെമിനാറും ഉണ്ടായിരിക്കുന്നതാണ്. കുട്ടികൾക്കായി ബേബി സിറ്റിംഗ് സംവിധാനവും ഒരുക്കിയിട്ടുണ്ട്.
റിപ്പോർട്ട്: എബി പൊയ്ക്കാട്ടിൽ
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://chat.whatsapp.com/Fvb5dzrOEnRCV2ReS4R7Gb