ഇലോൺ മസ്‌കിന്റെ കമ്പനിയായ ടെസ്‌ല അമേരിക്കയിൽ 20 ലക്ഷം കാറുകൾ തിരികെവിളിക്കുന്നു. വാഹനത്തിന്റെ ഓട്ടോപൈലറ്റ് സംവിധാന ത്തിൽ, നിരീക്ഷണസമിതിയായ യുഎസ് നാഷണൽ ഹൈവേ ട്രാഫിക് സേഫ്റ്റി അഡ്മിനിസ്ട്രേഷൻ (എൻഎച്ച്ടിഎസ്എ) പിഴവ് ക ണ്ടെത്തിയതിനു പിന്നാലെയാണു നടപടി. രണ്ടു വർഷത്തെ അന്വേഷണത്തിനു ശേഷമാണ് നിരീക്ഷണസമിതി റിപ്പോർട്ട് സമർപ്പിച്ചത്. 2012 ഒക്ടോബർ 5 നും 2023 ഡി- സംബർ 7 നും ഇടയിൽ നിർമ്മിച്ച Y, S, 3, X എന്നീ മോഡലുകളാണ് തിരിച്ചുവിളിക്കുന്നത്. ഓട്ടോപൈലറ്റ് സംവിധാനത്തിൽ കണ്ടെത്തിയ പിഴവ് സോഫ്റ്റ് വെയർ അപ്ഡേറ്റിലൂടെ പരിഹരിക്കുമെന്ന് ടെസ്‌ല അറിയിച്ചു.
സ്റ്റിയറിംഗ്, വേഗനിയന്ത്രണം, ബ്രേക്കിംഗ് എന്നിവയിൽ ഡ്രൈവറെ സഹായിക്കുന്നതാണ് ഓട്ടോപൈലറ്റ് സംവിധാനം. ടെസ്‌ല സോഫ്റ്റ് വെയർ അപ്ഡേറ്റ് ചെയ്തശേഷവും വാഹനങ്ങൾ നിരീക്ഷിക്കുമെന്ന് എൻഎച്ച്ടിഎസ്എ അറിയിച്ചു. ടെസ്‌ലയിൽ ഉപയോഗിച്ചിരിക്കുന്ന സാങ്കേതികവിദ്യ പൊതുനിരത്തുകൾക്ക് യോജിച്ചവയല്ലെന്ന് കമ്പനിയിലെ മുൻ ജീവനക്കാരൻ ബിബിസിയോട് വെളിപ്പെടുത്തിയതിനു പിന്നാലെയാണ് പിഴവ് സംബന്ധിച്ച റിപ്പോർട്ട് പുറത്തുവരുന്നത്.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/Fvb5dzrOEnRCV2ReS4R7Gb
