ലക്നൗ: ഉത്തർപ്രദേശിലെ ഡിയോറ ജില്ലയിലാണ് സംഭവം. കഴിഞ്ഞ ദിവസം ജനിച്ച കുട്ടിക്കാണ് മാതാപിതാക്കൾ ലോക്ക്ഡൗൺ എന്ന് പേരിട്ടത്.
‘അവൻ ജനിച്ചത് ലോക്ക്ഡൗൺ സമയത്താണ്, മാത്രമല്ല കൊറോണ കാലത്ത് പ്രധാനമന്ത്രി നരേന്ദ്ര മോദി പ്രഖ്യാപിച്ച ലോക്ക്ഡൗണിന് നന്ദി സൂചകമായി കൂടിയാണ് കുട്ടിക്ക് ഇങ്ങനൊരു പേര് നൽകാൻ തീരുമാനിച്ചത്’-കുട്ടിയുടെ പിതാവ് പവൻ പറഞ്ഞു.
സ്വന്തം താത്പര്യങ്ങളേക്കാൾ കൂടുതൽ പ്രാധാന്യം ദേശീയ താത്പര്യങ്ങൾക്ക് നൽകണമെന്ന് ഓര്‍മ്മിപ്പിക്കാന്‍ കൂടിയാണ് കുട്ടിക്ക് ഈ പേരു നല്‍കിയതെന്നും പിതാവ് പറയുന്നു.
കുട്ടിയെ കാണാൻ വരുന്ന എല്ലാ ബന്ധുക്കളോടും ലോക്ക്ഡൗൺ കാലം കഴിഞ്ഞ് വന്നാൽ മതിയെന്ന് പറഞ്ഞിട്ടുണ്ട്. കുട്ടി ജനിച്ചതിന്റെ എല്ലാ ആഘോഷങ്ങളും ലോക്ക്ഡൗണിന് ശേഷം മാത്രമേ ഉണ്ടാവുകയുള്ളുവെന്നും കുട്ടിയുടെ പിതാവ് പവൻ പറഞ്ഞു.
